Լրահոս

Պայմանավորված Աֆրիկայի հյուսիսային շրջաններից արևադարձային տաք օդային հոսանքների ներթափանցմամբ, մարտի 8-10-ին օդի ջերմաստիճանը հանրապետության ողջ տարածքում աստիճանաբար բարձրանալու է ևս 4-5 աստիճանով։

Կարո՞ղ է արդյոք 25 տարեկան դատավորը մարդկանց ճակատագրեր որոշել: Հարցը այսօր հնչել է խորհրդարանում: Ընդդիմությունը դեմ է օրենսդրական նախագծին, որով նախատեսվում է իջեցնել դատավորների թեկնածուների տարիքային շեմը` 28-ից դարձնելով 25: Նախագծով նաև սահմանվում է, որ դատարանի նախագահ դառնալու համար անհրաժեշտ չէ տվյալ դատարանում դատավորի փորձառություն ունենալու պահանջը:

Հարևան Իրանում կորոնավիրուսով վարակվածների թիվն ավելանում է ժամ առ ժամ: Այս պահին մոտ երեք հազար վարակակիր կա այդ երկրում: Մահացածների 92 են: Վարակակիրների թվով Չինաստանից հետո առաջատար են նաև Հարավային Կորեան և Իտալիան: Այս ֆոնին Միջագային օլիմպիական կոմիտեի մամուլի խոսնակը հայտարարել է, որ վիրուսի պատճառով օլիմպիական խաղերի հետաձգումը քիչ հավանական է: ՄՕԿ-ը այդպիսի մտադրություն չունի հաշվի առնելով, որ առողջապահության համաշխարհային կազմակերպությունը դեռևս չի պատրաստվում աշխարհում համաճարակ հայտարարել:

Դեմկուսի առաջնորդ Արամ Սարգսյանի հայտարարությունից հետո, թե Շահումյանը Ադրբեջանին է հանձնվել Լևոն Տեր-Պետրոսյանի համաձայնությամբ, հեռակա բանավեճ է սկսվել Սարգսյանի ու Հեռուստատեսության և ռադիոյի հանձնաժողովի նախագահ Տիգրան Հակոբյանի միջև:

Անհանգստացնող են դառնում Հայաստանի իշխանության հաճախակի դարձած հայտարարությունները, թե պետության ներսում դավաճաներ կան: Քաղաքական գործիչները տարակուսած են. իշխանությունը փորձո՞ւմ է տպավորիչ դարձնել հռետորաբանություն, թե իրավական հետևանք ունեցող լուրջ հայտարարություններ են սրանք:

Հայաստանում կորոնավիուսի հայտանբերումից երեք օր անց՝ Երևանի տրամադրությունները:

Արցախի նախագահի թեկնածու Վիտալի Բալասանյանը հայտնել է՝ ինչպես է իրեն հայտնի դարձել, թե ի՞նչ են քննարկել Բրատիսլավայում 11 ժամ Հայաստանի ու Ադրբեջանի արտգործ նախարարները: Ինչպես հիշում եք Բալասանյանի հայտարարությանը անդրադարձել էր Հայաստանի արտգործ նախարարությունը: Մտացածին անվանելով Արցախի հերոսի տեղեկությունները, թե Արցախի Հանրապետության տարածքում պատրաստվում են բնակավայր կառուցել, որտեղ պետք է ապրեն հայերն ու ադրբեջանցիները:

ՀՀ պաշտպանության նախկին նախարար Սեյրան Օհանյանին մեղադրանք է առաջադրվել ՀՀ քրեական օրենսգրքի 179-րդ հոդվածի 3-րդ մասի 1-ին կետով նախատեսված հանցավոր արարք` առանձնապես խոշոր չափերով գույքի վատնում կատարելու համար: Նրա նկատմամբ որպես խափանման միջոց է ընտրվել ստորագրություն՝ չհեռանալու մասին, տեղեկացնում է ՀՔԾ-ն։

Ավտոներկրողներն այսօր բողոքի ցույց են արել Հայաստանում Վրաստանի դեսպանատան մոտ: Պնդում են վրացական ընկերությունը խախտում է պայմանագրի մի շարք կետեր: Անհիմն տուգանքներ են սահմանում, ուղարկում մեքենաներ, որոնք չեն համապատասխանում պատվիրածին: Վրացական կողմն էլ պնդում է հայ ավտոներկրողներն էլ իրենց են խաբել:

Ինչպես Հայաստանում աշխարհում էլ բժշկական դիմակների ու ախտահանիչ նյութերի դեֆիցիտ կա: Մենք ահազանգեր ենք ստանում, որ մեր երկրի որոշ պոլիկլինկաներում նույնիսկ բուժաշխատողները ապահովված չեն դիմակներով: Դեղատներում էլ դիմակների ու ալկոգելերի դեֆիցիտը պահպանվում է, եղածն էլ մի քանի անգամ թանկ է: Բայց այս խնդիրներով Հայաստանը միակ երկիրը չէ. Ֆրանսիայում ալկոգելի պահանջարկի ավելացման ֆոնին 7 անգամ թանկացել է դրա գինը:

Խորհրդարանում կարծես թե դեմ չեն, որ զինապահովագրության 1000 դրամների հիմնադրամի շահառուներ դառնան նաեւ այն զինծառայողները, որոնք հակառակորդի հանկարծակի հարձակումից տուժել են ոչ առաջնագծում մարտական գործողության ժամանակ, այլ ասենք զորամասում, որտեղ ներթափանցել է հակառակորդի դիվերսիոն խումբը: Նախագիծն այսօր առաջին ընթերցումն է անցել:  

Արցախում քարոզարշավի 7-րդ օրն է: Նախագահի թեկնածուները շարունակում են իրենց ծրագրերը ներկայացնել քաղաքացիներին: Նախագահի թեկնածու, Արցախի հերոս Վիտալի Բալասանյանը շատ է կարեւորում սահմանամերձ գյուղերի բնակեցումը:  

Հանրապետության երկորդ նախագահ Ռոբերտ Քոչարյանի փաստաբանները 3-րդ անգամ են ինքնաբացարկի միջնոդություն ներկայացրել դատավոր Աննա Դանիբեկյանին: Փաստաբանները կասկածներ ունեն, որ դատավորը օբյեկտիվ չէ որոշումներ կայացնելիս: