Լրահոս

Հայաստանի պատմության մեջ ամենախոշոր ամերիկա- բրիտանական ներդրման ճակատագիրը կարծես որոշակիանում է: Ամուլսարի հանքի շահագործումը ավելի քան մեկ տարի արգելափակվելուց հետո՝ միջազգային փորձաքննությունը, ըստ էության, վերահաստատեց, որ հանքարդյունաբերական այս բիզնես-ծրագիրը շրջակա միջավայի համար վտանգավոր չէ: Այս փորձաքննության համար  կառավարությունը հարկատուներիս հաշվին՝ միջազգային կազմակերպությանը վճարել է մոտ չորս հարյուր հազար դոլար: Իսկ ինչ արժեցավ Լիդիանի համար՝ մեկ տարվա պարապուրդն ու Հայաստանի համար՝ աշխարհում ներդրումային համբավը: 

Հատուկ քննչական ծառայությունը նոր մանրամասներ է տարածել ՀՀԿ փոխնախագահ Արմեն Աշոտյանի օգնական եւ վարորդ Արամ Բարսեղյանի ձերբակալության վերաբերյալ: Հիշեցնում են, որ 2009-ից 2016 թվականներին, երբ Կրթության և Գիտության նախարարը Արմեն Աշոտյանն էր՝ Բարսեղյանը գրացնված է եղել մի քանի պետական կառույցներում, բայց աշխատանքի չի ներկայացել: ՀՔԾ-ն երեկ էր ձերբակալել Աշոտյանի օգնականին: Նա կասկածվում է առանձնապես խոշոր չափերի գույքի հափշտակությանն օժանդակելու համար: Իր օգնականի ձերբակալման հարցում՝ Արմեն Աշոտյանը քաղաքական ենթատեքստ է տեսնում: Ըստ նրա, իշխանությունները նման քայլով իրեն են հետապնդում:

Ամուլսարի շահագործման նվտանգ լինելու վերաբերյալ Քննչական Կոմիտեի հայտարարությունից հետո ու բնապահպանների՝ Ջերմուկը փրկելու կոչերի տակ՝ Կառավարությունը այժմ պետք է որոշի հանքի հետագա ճակատագիրը: 
Իսկ Ջերմուկում երեկվանից բնապահպանական երթ է: Մասնակիցները հիշել են Փաշինյանի՝ իրենց տված խոստումը, թե երբ փորձաքննության արդյունքները պատրաստ լինեն, պապկան կդնի թևի տակ, կգա Ջերմուկ՝ քննարկելու:

Քիչ առաջ «Արմավիր» քրեակատարողականում էի: Ինչպես միշտ, հանդիպում ու երկար զրույցներ դատապարտյալների և կալանավորների հետ: Ինչպես միշտ` բողոքներ պայմանական վաղակետ ազատման հանձնաժողովից ու նոր ներմուծված բալային համակարգից, որը դեռ կքննակենք նոր նախարարի հետ: 

Հայաստանի Հանրապետության ազգային անվտանգության ծառայության աշխատակիցների կողմից ձեռնարկված մեծածավալ օպերատիվ հետախուզական միջոցառումների և քննչական գործողությունների արդյունքում բացահայտվել են կաշառք ստանալու դիմաց մի շարք զորակոչիկների պարտադիր զինվորական ծառայությունից խուսափելու կազմակերպման դեպք:

ՀՀ ՔԿ ԵՔՔՎ ծանր հանցագործությունների քննության բաժնում շարունակվում են իրականացվել ակտիվ քննչական գործողություններ՝ «Սեքյուրիթի Դրիմ» և «Էլլիպս Ջի Էյ» ընկերությունների աշխատակիցների կողմից առանձնապես խոշոր չափերով խարդախություն կատարելու և մի խումբ անձանց կողմից նախնական համաձայնությամբ փաստաթղթեր կեղծելու բոլոր հանգամանքները պարզելու ուղղությամբ: Վարույթն իրականացնող մարնի կողմից որոշում է կայացվել՝ ևս երկու անձի ձերբակալման մասին:

Օգոստոսի 16-ին, ժամը 15:30-ին Վերաքննիչ քրեական դատարանում՝ նախագահությամբ Անդրանիկ Մնացականյանի, կսկսվի ՀՀ երկրորդ նախագահ Ռոբերտ Քոչարյանի նկատմամբ հետապնդումը անձեռնմխելիության հիմքով չդադարեցնելու վերաբերյալ բողոքի քննությունը։

Եթե այս ամենը իմ դեմ չէ, բա հարց չտա՞նք երկրի հետ սեփական մորուքի նման խաղացող զբոսավարին, թե նախկին նախարարի վարորդի կամ օգնականի գործը ինչու՞ է քննում տխրահռչակ ՀՔԾ-ն, ոչ թե Քննչական Կոմիտեն, որտեղ այն ի սկզբանե հարուցված է եղել:

Քանի դեռ աղբահանության հարցով կառավարությունն արտահերթ նիստ չի հրավիրել, իսկ «Իմ քայլը» խմբակցությունը ԱԺ քննիչ հանձնաժողով չի ստեղծել, Երևանի քաղաքապետարանին ցանկանում եմ հուշել, որ բացի աղբահանության խնդրից, Երևանն ունի բազմաթիվ այլ լրջագույն խնդիրներ։

 Աղետի գոտուց ազատվելու անհատական ջանքերը շարունակվում են: Վիվա սելլ մտս-ն ու ֆուլեր տնաշինականը սկսել են Հովհաննիսյանների ընտանիքի տան վերանորոգումը:

Նոր հակասություն է հասունանում Արդարադատության նախարարության՝ վարչապետ Փաշինյանի հրահանգով գրված նախագծի շուրջ: Նախագծով քրեական պատիժ է սահմանվում բռնության կոչերի համար:
Առաջին հայացքից հրաշալի նախաձեռնությունից փորձագետներն անհանգստացած են՝ արդյո՞ք այս կարգավորումից հետո ինքը՝ վարչապետը դադարեցնելու է ասֆալտին փռելու ու պատին ծեփելու կոչերը, թե սա արվում է միայն պայմանական սևազգեստներին, գործակալներին կամ դավադիր ուժերին պատին դեմ տալու համար:  

Երկրորդ նախագահ Ռոբերտ Քոչարյանի գործը երկու ամիս է՝ սառեցված է: Նրա փաստաբանները անհամբեր սպասում են, թե այդ ինչ նոր հանգամանքների մասին էր իր հայտարարություններում ակնարկում ԱԱԾ տնօերն Արթուր Վանեցյանը, եթե գործին որևէ նոր բան չի կցվել:

Դավիթաշեն վարչական շրջանում իդեալական մաքրություն չէ: Վարչապետ Փաշինյանի ու քաղաքապետ Մարությանի հակառակ պնդումները հերքող կադրեր է ֆիքսել հայլուրի տեսախցիկը: Դավիթաշենում տանելի անմաքրություն է, ինչը չես ասի քաղաքի մյուս մասերի մասին՝ սկսած կենտրոնից:
 

Արդեն կա առաջին պաշտոնական լուրը երկու օր Ադրբեջանում գտնվող 19-ամյա հայ զինվորի՝ համացանցում հայտնված լուսանկարներում երևացող վնասվածքների մասին: Քննչական կոմիտեն հայտնում է, որ այն պահին, երբ Արայիկ Ղազարյանը հատել է Ադրբեջանի սահմանը, նրա մարմնին վնասվածքներ չեն եղել:
 Ադրբեջանում Արայիկի ճակատագրի մասին դեռ որևէ մանրամաս հայտնի չէ, բայց ռազմական փորձագետները վերլուծում են ադրբեջանական աղբյուրների տարածած լուսանկարները ու Բաքվի քարոզչամեքենայի սայթաքումները բացահայտում:

Հայաստանի բնակչության չափ մարդու համար բավարար թթվածին արտադրող անտառ է ոչնչացել: Սյունիքում այրվել է 12 հեկտար գիհու անտառ, իսկ այդ ծառատեսակի միայն 1 հեկտար անտառը հերիք է 250 հազար մարդու թթվածնով ապահովելու համար:
Գիհիները, որ այրվեցին Սյունիքում, բարձրանում էին շուրջ 5 դար, այդքան էլ պետք կլինի, որ անտառը նորից կանաչի: Այս մշտադալար ծառերը շուտ են բռնկվում, քանի որ պարունակում են եթերային յուղեր, նաև որովհետև ոչինչ չի արվում կարևորագույն ծառատեսակները՝ կրակից հեռու պահելու համար: 

Շիրակում մեղվաընտանիքների անկման ու մեղրի քչության մասին լուրերի հետքերով՝ Հայլուրի նկարահանող խումբը Մեղրաշենում էր: Պարզվում է՝ անցած տարվա համեմատությամբ՝ մեղրաշենցին փեթակներից 10 անգամ քիչ մեղր է քամել, իսկ անցած տարվա բերքը դեռ մթերողի է սպասում:
 

Արցախի հաղթանակած բանակի հերոսների ժառանգները աշխարհի տարբեր ծայրերից այս օրերին հավաքվում են բերդաքաղաք Շուշիում: Հենց այնտեղ մեկ շաբաթից կմեկնարկի Հաղթանակած 2019- երիտասարդական հավաքը: