Լրահոս

Ռոբերտ Քոչարյանի աջակիցներն այսօր նորից գնացել են Բարձրագույն դատական խորհրդի շենքի մոտ: Նրանք պահանջում են արդար դատավարություն: Սպասել են, որ խորհրդի նախագահը կամ անդամներից մեկը կիջնի ու կլսի իրենց: 2 ժամ սպասելուց հետո երկրորդ նախագահի աջակիցներին հանդիպել է ԲԴԽ մամուլի ծառայության պետը ու հորդորել՝ հարցերը գրավոր ներկայացնել:

Արեւիկ ազգային պարկը կլանող հրդեհը մեկուսացվել է: Մոտ 12 հա տարածք է այրվել, որը վերահսկում են Արտակարգ իրավիճակների, պաշտպանության ու շրջակա միջավայրի նախարարությունների 200 աշխատակիցները: Արեւիկը հայտնի է հազվագյուտ եղեւնիներով ու ավելի քան 300 տարեկան գիհիներով, որոնք ամենաշատն են կրակի բաժին դառել: Արտակարգ իրավիճակների նախարարությունից վստահեցնում են՝ ամեն ինչ անելու են, որ Արեւիկ արգելոցի հրդեհը Խոսրով-2 չդառնա: Նախարարությունում հրդեհի բռնկման նախնական վարկած ունեն:

Երուսաղեմում իսրայելական ոստիկանության ու պաղեստինցիների բախումների հետևանքով 61 պաղեստինցի է վիրավորվել: Օգոստոսի 11-ը հրեաների ազգային սգո օրն է, որն այս տարի համընկել է մուսուլմանական Քուրբան-բայրամի հետ։ Վեճը ծագել է այն բանից հետո, երբ հրեաները փորձել են մուտք գործել տաճար:  

BBC-ի թղթակիցը փորձել է մեղմել իր հոդվածի շուրջ պայթած սկանդալը: Լրագրող Գրիգոր Աթանեսյանը ուղիղ եթերում խոստովանել է, որ գեներալ-մայոր Սամվել Կարապետյանի մասին վարկաբեկիչ պնդումները չկան Մարտի 1-ի գործում:
Ուշագրավ խմբագրում է եղել նաեւ Վիքիպեդիայում: BBC-ի հոդվածի հրապարակումից հետո գեներալի կենսագրությունում փոխել են Մարտի 1-ին վերաբերվող հատվածը ու գրել այն, ինչի մասին մինչեւ այսօր պնդում էր BBC-ի թղթակիցը: Հետո, նորից խմբագրել են:

Կառավարության ընդդիմախոսները տարակուսած են: Փաստորեն` քաղաքական իշխանությունը սահմանադրական դատարանի դատավորներին առաջարկում է հրաժարական տալ, փոխարենը՝ խոստանալով գրեթե ցմահ ապահովել ֆինանսով, կամ սպառնալով քրեական հետապնդմամբ:

Ապրիլյան պատերազմի մասնակից, ծանր վիրավորում ստացած զինվորին կառավարությունը նորից մերժել է: Խոսքը այն զինվորի մասին է, որին Գերմանիայում խոստացել են 35 հազար եվրոյի դիմաց վերականգնել ոտքերի ուժը: Մինչդեռ երաշխիքներ չկան, որ մեր երկրում անցնող վերականգնողական կուրսը կօգնի, որ բեկորը ողնուղեղին չհասնի:  

Փորձագիտական հանրությունը BBC-ի հոդվածը արցախցի գեներալներին թիրախավորելու փորձ է որակում: Արցախից քաղաքագետ Էդգար Էլբակյանը սա անընդունելի է համարում հատկապես այս փուլում, երբ առջեւում Արցախի համար կարեւոր ընտրություններ են, որոնց անցնցում ընթացքը բոլորի շահերից է բխում:   

 Ի դեպ, Կոնվենցիան վավերացրած երկրներում բռնության նվազում չի արձանագրվել։

Ուրբաթ օրը սկսվել է ամենամյա ուխտագնացությունը՝ Մեքքա: Մոտ 7400 օդանավ եւ 2,5  միլիոն ուխտավոր է եկել Սաուդյան Արաբիա մասնակցելու հնգօրյա արարողությանը: Հաջը համարվում է աշխարհի ամենամեծ կրոնական արարողությունը, որի ընթացքում, ցավոք, տեղի են ունենում նաեւ ողբերգական դեպքեր: Բազմամարդության պատճառով ամեն տարի մահացության դեպքեր են գրանցվում: 2015 թվականին գրանցվել է մահացությունների ամենամեծ թիվը՝ 2300 ուխտավոր, տեղեկացնում է Daily Mail-ը:

Հոգեբանների ուսումնասիրությունները ցույ ց են տալիս, որ մասնագիտություն ընտրելու հարցում ամենադժվարը կողմնորոշվում են սոցիալապես անապահով ընտանիքների երեխաները: Այդ հարցը լուծելու համար երեխաների խնամքով զբաղվող կազմակերպությունները փոքրերին այսօր հրավիրել էին մասնագիտությունների քաղաք:  

Մեծ սկանդալից հետո Լեհաստանի խորհրդարանը նոր ղեկավար է ընտրել: Այդ պաշտոնում այսօրվանից երկրի ներքին գործերի նախարարն է: Օրենսդիրի արդեն նախկին նախագահը հրաժարական էր տվել ուրբաթ: Պատճառը ցնցել է համաշխարհային մամուլը:
Մարեկ Կուխ- Չինսկին կառավարական ինքնաթիռներն ու ուղղաթիռները ընտանեկան ճամփորդությունների համար է օգտագործել: Երբ աղմուկ է բարձրացել, սկզբում նա փորձել է արդարանալ ճիշտ այնպես, ինչպես Հայաստանի վարչապետը՝ հայտարարելով, թե ընտանիքի անդամների հետ ուղևորությունները բյուջեի ծախսերը չեն ավելացրել:

Հայաստանում 7-րդ անգամ տեղի է ունենում մնջախաղի միջազգային փառատոն: Իսկ համր թատրոնի նոր շենքը չկա ու չկա: Դերասանները շարունակում են երազել սեփական տանիքի մասին: Թատրոնի նախագիծն ու հասցեն, որտեղ պետք է կառուցվի շենքը նախորդ իշխանությունը փոխանցել է նոր կառավարությանը

Ստեփանակերտում համահայկական յոթերորդ խաղերի աննախադեպ բացումից հետո՝ մասնակիցները հայկական երկու մայրաքաղաքներում չորրորդ օրն է մրցապայքարի մեջ են:

Մարալիկում այսօր վերագործարկվել է բամբակի գործարանը: Այն մոտ 380 տոննա թել կարտադրի, որը կիրացվի հիմնականում արտերկրում: Գործարանի ղեկավար Գևորգ Գասպարյան հույս ունի, որ օրերից մի օր գործարան կմտի 120 մարալիկցի: Այս պահին ընդամենը 41-ն են աշխատում: Գործարանի վերաբացմանը Մարալիկ գնացած Նիկոլ Փաշինյանին բնակիչները չեն կարողացել մոտենալ:  

Գերեզմանապղծության դեպք է գրանցվել նաև Գյումրիում: Մեր տեղեկություններով, այն տեղի է ունեցել մոտ երկու շաբաթ առաջ, որի մասին ֆեյսբուքյան օգտատերերից մեկն է հայտնել՝ փորձելով իրավապահների ուշադրությունը հրավիրել:
Գերեզմանաքարերի պղծման սկանդալը մեծ արձագանք ստացավ՝ Եռաբլուր պանթեոնում հերոսների շիրիմների վրա մոմախառն նյութ լցնելուց հետո: Ոստիկանություն որպես կասկածյալ բերման ենթարկված մի կին սկզբում հայտարարել էր, թե ինքն է սև գործի հեղինակը: Ռազմական ոստիկանությունում՝ հրաժարվել այդ ցուցմունքից: Կինը ասել էր, թե այդպես հանում է նավսն ու դռներ բացում:

Արդարադատության նախարարությունը շրջանառության մեջ է դրել մի օրինագիծ, որը, ըստ էության, վերջնագիր է Սահմանադրական դատարանի գործող դատավորներին: Նշվում է, որ մինչև հոկտեմբերի 31-ը ինքնակամ հրաժարական ներկայացնելու դեպքում, սահմանադրական դատարանի դատավորները մինչև 65 -70 տարեկանը կօգտվեն բոլոր այն արտոնություններից, որոնք այժմ ունեն՝ որպես բարձր դատարանի դատավոր: Կստանան աշխատավարձ, պարգևավճար ու հավելավճար: Թոշակի անցնելուց հետո էլ կստանան բարձր թոշակը:
Աբսուրդի հասնող այս օրենքի նախագիծը՝ ըստ էության իշխանության նոր քայլն է՝ սահմանադրական դատարանը ազատել բոլոր նրանից, ովքեր դատավոր են դարձել նախորդ իշխանության օրոք ու նշանակել սեփական թեկանծուներին: