Լրահոս

Հայոց ցեղասպանության ճանաչման նախագիծը տարիներ շարունակ 7 կողպեքի տակ պահած Իսրայելը կիրակի անսպասելի հայտարարեց ճանաչման գործընթաց սկսելու մասին: Երևանն անարձագանք է թողել Թել Ավիվի որոշումը, Անկարան Իսրայելի վարչապետին մեղադրել է այդ քայլով սեփական հանցագործությունները քողարկելու համար, իսկ Բաքուն կոչ է արել Նեթանյահուին հետ կանգնել որոշումից:

Այս մասին տեղեկացնում են Երևանի քաղաքապետարանից՝ մանրամասնելով, որ մասնավորապես՝ Գր.Արծրունու փողոցից դեպի Վաղարշյան փողոց կթույլատրվի երթևեկությունը միայն աջ, իսկ Վաղարշյան փողոցից` միայն ուղիղ և աջ:

Եվրամիությունում Հայաստանին չեն սպասում, ԵԱՏՄ-ն Հայաստանից պահանջում է շուտ կողմնորոշվել՝ լքո՞ւմ է կազմակերպությունը, թե՞ ոչ: Ռուսաստանն այս անգամ փոխարտգործնախարար Միխայիլ Գալուզինի շուրթերով է հայտարարել, որ ԵԱՏՄ անդամների համար անընդունելի է այն իրավիճակը, երբ Հայաստանն իր օրենսդրության մեջ ամրագրում է Եվրամիությանն անդամակցելու մտադրությունը՝ շարունակելով օգտվել ԵԱՏՄ-ի բոլոր բարիքներից:

Այսօր՝ հունիսի 29-ին, ավտովթար է տեղի ունեցել Արմավիրի մարզում։ Ժամը 10։20-ի սահմաններում Արևիկ-Եղեգնուտ ավտոճանապարհին բախվել են Արմավիրի մարզի բնակիչներ 31-ամյա Գևորիկ Մ․-ի վարած «Mercedes» մակնիշի և 61-ամյա Բագրատ Բ․-ի վարած «Վոլգա» մակնիշի ավտոմեքենաները։

Եվրոպական հանձնաժողովի նախագահ Ուրսուլա ֆոն դեր Լայենը հուլիսի 2-ին աշխատանքային այցով կժամանի Հայաստանի Հանրապետություն։ Այս մասին հայտնում են Կառավարությունից:

Հայլուր 18։30 Սկանդալ՝ ՍԴ-ում. Պուտինին է հիշել դատավորը՝ քաղաքական խառնակչության կասկած հարուցելով

Հունիսի 25-ին՝ գիշերվա ժամը 3․30-ին, Արարատի մարզի Արևշատ գյուղի հատվածում ծառայություն իրականացնելիս, պարեկները կանգնեցրել են «ՎԱԶ-21074» մակնիշի մի ավտոմեքենա։ Ստուգման ընթացքում պարեկները մեքենայում նկատել են մեծ քանակի օղիներ, որոնց վերաբերյալ վարորդը՝ մայրաքաղաքի Շիրակի փողոցի բնակիչ 24-ամյա երիտասարդը, հայտնել է, թե սրահում և բեռնախցիկում գտնվող 120 շիշ կեղծ օղին ձեռք է բերել շուկայում՝ վերավաճառելու նպատակով։

ԱՄՆ դոլարի փոխարժեքն այսօր՝ հունիսի 29-ին, կազմել է 368.06 դրամ՝ նախորդ օրվա համեմատ նվազել է 0.06 դրամով: Այդ մասին տեղեկանում ենք Կենտրոնական բանկի պաշտոնական կայքից։

Չորրորդ օրն է` Սահմանադրական դատարանը քննում է՝ խորհրդարանական ընտրությունների արդյունքները վիճարկող քաղաքական յոթ ուժերի դիմումները: Որոշումը պետք է հրապարակվի հուլիսի 4-ին: Աննախադեպ ընտրական վեճը սահմանադրական ատյանում հասնում է պիկին: Հարցուպատասխանի երկրորդ օրը դատարանն է սկսել հարցեր ուղղել կողմերին:

Հունիսի 22-ից 29-ը մայրաքաղաքում իրականացված ծառայության ընթացքում Երևանի պարեկները հայտնաբերել են ճանապարհային երթևեկության կանոնների 5647 խախտում՝ պահպանվող հատուկ տարածք տեղափոխելով 162 ավտոմեքենա։ Մասնավորապես, հայտնաբերվել է ոչ սթափ 199 վարորդ, առանց վարորդական իրավունքի վկայականի՝ 167 անձ։ Հայտնաբերվել է հաշվառման համարանիշի հետ կապված՝ 12, չամրակապված վարելու՝ 1234, առանց մանկական նստատեղի՝ քարսիթի՝ 39 վարելու ընթացքում ծխելու՝ 492, վարելիս հեռախոսից օգտվելու՝ 282, հետիոտնի՝ ոչ սահմանված վայրով անցնելու՝ 33 և 2135 այլ իրավախախտում։ 129-ը մեքենա շահագործվել է առանց ԱՊՊԱ պայմանագրի, 186-ը՝ տեխնիկական զննություն չանցած, 128-ը՝ լուսարձակների անսարքությամբ, 33-ը՝ թաղանթապատված դիմապակիով և կողային ապակիներով։ Բացի այդ, տարբեր կասկածանքներով ձերբակալվել ու Համայնքային ոստիկանության բաժիններ է տարվել 91 անձ։

Երևանի քաղաքապետարանը մեկ անձից գնման ընթացակարգով, առանց մրցույթ հայտարարելու պայմանագիր է կնքել «Բրիդջ» ՍՊԸ-ի հետ՝ վերջինիս փոխանցելով 247 մլն դրամ: 

Մահացու շոգը 1000 մարդու կյանք է խլել Ֆրանսիայում: Այդ երկրում վերջին մեկ օրում գրեթե 16 անգամ շատ մարդ է մահացել, քան նախորդ տարի հունիսին: Ամբողջ Եվրոպան է շնչահեղձ լինում շոգից: Առողջապահության համաշխարհային կազմակերպությունն ահազանգում է, որ Հին աշխարհամասում վերջին մեկ շաբաթում ավելի քան 1300 մարդ է մահացել բարձր ջերմաստիճանի պատճառով:

Հունիսի 30-ից երթևեկության կազմակերպման փոփոխություն կկատարվի Վահրամ Փափազյան փողոցում, մասնավորապես Կոմիտասի պողոտա - Վ.Փափազյան փողոցի խաչմերուկից մինչև Վ.Փափազյան-Ա.Խաչատրյան փողոցների խաչմերուկ բացառությամբ երթևեկելի մասի տեղային լայնացումների, կարգելվի փոխադրամիջոցների կանգառը:

Երևանում հունիսի 29-ի ցերեկը, 30-ին, հուլիսի 1-2-ին, 3-ի գիշերը սպասվում է առանց տեղումների եղանակ։ Հուլիսի 3-ի և 4-ի երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ, ամպրոպի ժամանակ հնարավոր է քամու ուժգնացում՝ 15-18մ/վ արագությամբ։

Իմ մոտ տպավորություն է, որ ՀՀ-ի ընտրողը զոմբի է, ասեցին` «շուն շանգյալ», սրանք վախեցան. ՍԴ դատավոր Արթուր Վաղարշյան

Սուրենավան գյուղի մոտ՝ ճանապարհին «Nissan»-ում կիսամոխրացած հայտնաբերվածները տղամարդիկ են: Ըստ Ներքին գործերի նախարարության՝ մեքենան դուրս է եկել երթևեկելի ճանապարհից, բախվել քարին ու բռնկվել, ինչի հետևանքով սրահում հրդեհ է առաջացել: Ոստիկանները նախ երեքի դիակներն են դուրս բերել մեքենայից ու հետո միայն հայտնաբերել, որ մահացածները 4-ն են:

«2026 թվականի հունիսի 26-ին անցկացված քիմիայի միասնական քննության թեստը առաջացրել է խորը մտահոգություններ և լուրջ հիասթափություն դիմորդների, ուսուցիչների և ծնողների մոտ։

Հայլուր 15։30 Սարսափելի վթարից նոր մանրամասներ են հայտնի դարձել. ովքե՞ր են 4 զոհերը

Միքայել արքեպիոկոպս Աջապահյանն ընդդեմ Ստեփան Ասատրյանի գործով դատարանը ապացուցման բեռ է բաժանել՝ Ստեփան Ասատրյանի վրա կոնկրետ ապացուցման բեռ դնելով:  Դատավոր Էմին Աբգարյանի կողմից կայացված որոշման մեջ կարդում ենք, որ պատասխանողը՝ Ստեփան Ասատրյանը, պարտավոր է ապացուցել «որ իր կողմից հարցազրույցի ընթացքում հրապարակած վերը նշված տեղեկությունները (փաստացի տվյալները) համապատասխանում են իրականությանը, այսինքն՝ սուտ չեն և (կամ) հիմնավոր և (կամ) հավաստի են»:  Հարցազրույցի ժամանակ Ստեփան Ասատրյանը Միքայել սրբազանի հասցեին ասել էր, թե նա իբր կին ու դուստր ունի, ինչը կուսակրոն հոգևորականի դեպքում զրպարտչական ու արատավորող բնույթի հայտարարություն է: Գործը քննության փուլում է և մտել է հիմնական դատալսումների փուլ:

Ռոբերտ Քոչարյանի գրասենյակի ղեկավար Բագրատ Միկոյանը Yerevan.Today-ի հետ զրույցում ասաց․ «Դատարանը մերժել է ՀՀ երկրորդ նախագահ Ռոբերտ Քոչարյանի հայցը ոչ թե այն հիմնավորմամբ, որ Ալեն Սիմոնյանի արտահայտությունները եղել են իրավաչափ, հիմնավորված կամ թույլատրելի քաղաքական խոսք, այլ ընդհակառակը՝ այն պատճառաբանությամբ, որ դրանք, ըստ դատարանի, եղել են այն աստիճանի անստույգ, վերացական և անկապ, որ դրանցով չի ապացուցվել Ռոբերտ Քոչարյանի պատիվն ու արժանապատվությունը նպատակաուղղված արատավորելու դիտավորության առկայությունը։