Լրահոս
Հասարակական
15:57
06.02.22
2 429

Մայրը հորինել է ազգային հողի վրա Գերմանիայում ապաստան ստանալու համար․ Բիչախչյան

Img default alt hy

ՀՀ ոստիկանության անձնագրային և վիզաների վարչության նախկին պետ Մնացական Բիչախչյանը գրել է.

«Հանցանքի մասին հայտարարությունը կարող է շատ հեռու լինել իրականությունից:

Պակիստանցի երեխայի մոր ասածը կայծակնային արագությամբ ներխուժեց ամենուր, ամեն մի անկյուն: Հիմքը՝ մոր գրածը:

Դե հիմա էլ վարկած կա, որ մայրը հորինել է ազգային հողի վրա Գերմանիայում ապաստան ստանալու համար:

Դա էլ տարածեք: Թե՞ դա էմոցիոնալ չէ:

Նաև կարծում եմ պետք է վերանայել պաշտոնական լրահոսի մատուցման մեթոդիկան:

Հանցանքի մասին ամեն մի հայտարարություն մի՛ տարածեք րոպեական ճշգրտությամբ: Հետո սկսվում է. տեսա՞ք ինչ եղավ, բա, էս ի՞նչ ազգ ենք, մորթել մեղավորին, այրել…

Լուրը կարդում են 1 միլիոն, հերքումը 100 հազար, որից 90 հազարը չեն հավատում հերքմանը: Եվ այդպես էլ այդ մանկապարտեզը մարդկանց հիշողության մեջ կմնա երեխա խոշտանգող, որովհետև, եթե չհաստատվի էլ, ասելու են բա տեսաք տարան կաշառեցին քննիչին, դատավորին, բայց խեղճ պակիստանցի երեխա: Իսկ այդ ժամանակ երեխան արդեն մոր հետ եվրոպաներում կլինի: Խեղճ երեխա...»։