Լրահոս

ՀՀ-ում Իրանի դեսպանը շատ ուղիղ տեքստով հիշեցրել է, որ նույնիսկ հաղորդակցության ուղիների ապաշրջափակման դեպքում առաջարկվող երկաթուղային տարբերակները չեն կարող պատճառ դառնալ անտեսելու Հայաստանի Սյունիքի մարզով անցնող և Երևան-Թեհրան ուղիղ ցամաքային հաղորդակցությունն ապահովող ճանապարհի կարևորությունը, ուստի «Հյուսիս-Հարավ» ավտոմայրուղու շինարարությունը պետք է մնա առաջնահերթություն, գրել է իրանագետ Վարդան Ոսկանյանը: «Հունվարի 27-ին «Արմենպրեսին» տված ծավալուն հարցազրույցում Հայաստանում Իրանի արտակարգ և լիազոր դեսպան Աբբաս Բադախշան Զոհուրին հստակորեն արձանագրել է, որ Պարսից ծոցը Սև ծովին կապող միջազգային տրանսպորտային հանգույցի իրանական ծրագրում պաշտոնական Թեհրանը որպես տարանցման հիմնական ուղի դիտարկում է ոչ թե Ջուլֆա (Իրան)-Ջուղա (Նախիջևան)-Երասխ (Հայաստան) երկաթգիծը, այլ հենց Սյունիքի մարզով անցնելիք «Հյուսիս-Հարավ» ավտոմայրուղին։ Ուշագրավ է, որ այս մասին խոսելով երկու անգամ, իրանցի դիվանագետը շատ ուղիղ տեքստով հիշեցրել է, որ նույնիսկ հաղորդակցության ուղիների ապաշրջափակման դեպքում առաջարկվող երկաթուղային տարբերակները չեն կարող պատճառ դառնալ անտեսելու Հայաստանի Սյունիքի մարզով անցնող և Երևան-Թեհրան ուղիղ ցամաքային հաղորդակցությունն ապահովող ճանապարհի կարևորությունը, ուստի «Հյուսիս-Հարավ» ավտոմայրուղու շինարարությունը պետք է մնա առաջնահերթություն։ Հաշվի առնելով նաև իրանական կողմի դիրքորոշումները, Հայաստանում ևս պետք է շատ հստակ արձանագրվի, որ մեր պետության ներքին և արտաքին անվտանգ հաղորդակցությունն ու զարգացումը ապահովելու համար առաջնային և կենսական անհրաժեշտություն է, ոչ թե Մեղրիի տարածաշրջանով «մայրցամաքային» Ադրբեջան-Նախիջևան-Թուրքիա երկաթուղային կապի ապահովումը, այլ հենց «Հյուսիս-Հարավ» ավտոմայրուղին, որով էլ պետք է անցնեն իրանական «Պարսից ծոց-Սև ծով» և հնդկական «Հյուսիս-Հարավ» տրանսպորտային հանգույցները»,- գրել է նա։

Այն իշխանությունները, որոնք Արցախի 75%-ը հանձնել են, ում հանցավոր անգործության պայմաններում, արդեն հետպատերազմական ժամանակահատվածում, Ադրբեջանը օկուպացրել է ՀՀ ինքնիշխան տարածքը Գեղարքունիքի, Վայոց ձորի և Սյունիքի հատվածներում և վերահսկողություն հաստատել ՀՀ ռազմավարական ենթակառուցվածքների նկատմամբ, եկել խոսում են ՀՀ «աննախադեպ ժողովրդավարությունը փաստող» բանաձևին Հայկ մամիջանյանի դեմ քվեարկելու մասին, գրում է «Պատիվ ունեմ» խմբակցության պատգամավոր Տիգրան Աբրահամյանը։ «Որն է՞ ժողովրդավարությունը. այն, որ նույն Հայկի նկատմամբ քրեական գործ է հարուցվել երկիրը հանձնողների դեմ երթ, ակցիա կամ պարզապես փողոց դուրս գալու համա՞ր։ Թե՞ ընդդիմադիր ու նույնիսկ չեզոք հայացքներ ունեցող քաղաքական գործիչների, ՏԻՄ-ում առաջադրված թեկնածուների նկատմամբ ճնշումները, ընդհուպ կալանավորման բազմաթիվ միջադեպերն են խոսում չտեսնված, չլսված «ժողովրդավարության» մասին։ Այն մարդիկ, ովքեր ականջները կախ ընդունում ու առաջ են տանում այս իշխանության հայտարարած՝ Արցախի ու Հայաստանի ադրբեջանացման օրակարգը, պարտվողականությունը եկել են ու փորձում են պետության մասին դասեր տալ նրանց, ովքեր իրենց ողջ կյանքը նվիրել են հայրենիքին ու այսօր էլ անում են հնարավորն ու անհնարինը։ Թե ինչ ահռելի աշխատանք են տանում Հայկն ու մեր մյուս ընկերները մեր երկրի սահմաններից դուրս՝ հայի շահը ներկայացնելու և առաջ մղելու համար, դրա մասին նույնիսկ իշխանության ներսում են տեղյակ։ Դա միայն ԵԽԽՎ կամ ՀՀ խորհրդարանական ձևաչափերը չեն, դրանք բոլոր այն հարթակներն են, որտեղ ՀՀԿ-ն աշխատանքի մեծ ճակատ է ստեղծել երկար տարիների ընթացքում և այսօր էլ օգտագործելով իր ահռելի փորձը, արտերկրում ունեցած մեծ կապերը, անընդհատ ներկայացնում, պնդում և առաջ է տանում մեր երկրի համար կենսական անհրաժեշտություն համարվող հարցերը։ Մեր պայքարն այս տարածաշրջանում հայի գոյության համար շարունակվելու է և դրանում իր հսկայական մասնաբաժինն այսօրը, վաղը և որքան անհրաժեշտ կլինի, վստահաբար ունենալու է նաև Հայկը»։

Հունվարի 28-ին, ժամը 15։26-ին Ճգնաժամային կառավարման ազգային կենտրոն տեղեկություն է ստացվել, որ Երևանի Արաբկիրի 39-րդ փողոցում գտնվող ավտոմատ հեռախոսային կայանի շենքում հրդեհ է բռնկվել, հայտնում են ԱԻՆ-ից։ Հրդեհը մեկուսացվել է ժամը 16։59-ին, մարվել՝ 17։41-ին։ «Տելեկոմ Արմենիա» ՓԲԸ-ի տարածքում այրվել են հեռակառավարման վահանակներ (մոտ 500 հատ), թվային սարքեր (մոտ 1000 հատ) և գույք։

ՀՀ պաշտպանության նախարարը և նրա տեղակալներից ոչ մեկը չի մասնակցել Բանակի օրվա նախօրեին Ամենայն Հայոց Կաթողիկոսի մասնակցությամբ տեղի ունեցած հանրապետական մաղթանքին, պարգևատրման արարողությանը և ընդունելությանը։ ՍԴ աշխատակազմի նախկին ղեկավար Էդգար Ղազարյանը Հայկական Բանակի 30-ամյակի հոբելյանական օրվա արձանագրումներ է գրանցել: Նա, մասնավորապես, գրել է. «2022 թվականի հունվարի 28-ի, Հայկական Բանակի 30-ամյակի հոբելյանական օրվա իրադարձությունների և փաստերի ամփոփումն ի ցույց է դնում, թե ինչ հանցավոր պահվածք են դրսևորել Հայաստանի իշխանությունները՝ Բանակը նսեմացնելու, ստորացնելու, դրա դերն ու նշանակությունը մեր կյանքում չարժևորելու համար։ Դա կարող էին անել միայն հայ ժողովրդի թշնամիները կամ նրանց հանձնարարությամբ՝ այլ արարածներ։ -Հանրապետության նախագահ Արմեն Սարգսյանը փախել է երկրից և հրաժարականի մասին հայտարարություն տարածել Բանակի 30-ամյա հոբելյանից մի քանի օր առաջ։ -Հանրապետության վարչապետ Նիկոլ Փաշինյանը հայտարարել է իր հիվանդ լինելու մասին՝ չմասնակցելով որևէ միջոցառման, իր հիվանդ լինելը պատճառ դարձնելով, չեղարկելով պաշտոնական միջոցառումները, որոնց կազմակերպման մասին մինչ այդ որևէ տեղեկատվություն չի եղել, որևէ հրավիրատոմս չի բաժանվել, որևէ կազմակերպական քայլեր չեն իրականացվել։ -Բանակի 30-ամյակի առթիվ ուղերձ չի հղել ՀՀ պաշտպանության նախարար Սուրեն Պապիկյանը, ով ուղերձ է հղել 2021 թվականի նոյեմբերի 17-ին բուժծառայողի օրվա կապակցությամբ։ Ստացվում է Բանակի մի ստորաբաժանման ծառայողների հերթական տարեդարձը նրա համար առավել արժեքավոր է եղել, քան ողջ Բանակի հոբելյանը։ -Բանակի 30-ամյակի առթիվ ուղերձ չի հղել ՀՀ Զինված ՈՒժերի գլխավոր շտաբի պետը։ -Բանակի օրվա առթիվ ուղերձներ չեն հղել ՀՀ վարչապետին ենթակա երեք մարմինների ղեկավարներից ոչ մեկը, ո՛չ ՀՀ ոստիկանության պետ Վահե Ղազարյանը, ո՛չ Ազգային անվտանգության ծառայության տնօրեն Արմեն Աբազյանը, ո՛չ Պետական վերահսկողական ծառայության պետ Ռոմասնոս Պետրոսյանը։ -Ուղերձներ չեն հղել Կառավարության ենթակա մարմիններից ոչ մեկի ղեկավարները, անգամ գնդապետի կոչում ունեցող, ՀՀ Տավուշի նախկին մարզպետ, ԵԿՄ վարչության նախկին անդամ, ՀՀԿ խորհրդի նախկին անդամ, Քաղաքաշինության կոմիտեի նախագահ Արմեն Ղուլարյանը։ -Ուղերձ չի հղել ՀՀ սահմանադրական դատարանի նախագահի պաշտոնում ինքնահռչակված Արման Դիլանյանը, երբ նախկինում մշտապես ՍԴ նախագահները հանդես են եկել համապատասխան ձևով։ -Շնորհավորական ուղերձ չի հղել անգամ ԵԿՄ նախագահ Սասուն Միքայելյանը։ -Նախապես չի սահմանվել «Բանակի 30-ամյակի հուշամեդալ», ինչն իրականացվել էր 10 տարի առաջ՝ խախտելով հոբելյանական մեդալների շարունակականության ինստիտուտը։ -Տոնական և հոբելյանական միջոցառումներ չեն կազմակերպվել մարզկենտրոններում։ Գրեթե ոչ մի մարզպետի և բանակային ստորաբաժանումների մասնակցությամբ հանդիսավոր և տոնական միջոցառումներ չեն կազմակերպվել։ -Երևանում չեն կազմակերպվել ոչ միայն պաշտոնական, այլև հանրային բնույթի միջոցառումներ, այն դեպքում, երբ Հայաստանի Անկախության 30-ամյակի առթիվ կազմակերպվել էր մեկ միլիարդ դրամը գերազանցող ծախսերով համերգ, որի ֆինանսավորման և ծախսման ողջ գործընթացը գաղտնի պահվեց հասարակությունից։ -Հանրապետության նախագահի և ՀՀ վարչապետի կողմից ոչ մի զինվորական, պատերազմի մասնակից չի պարգևատրվել, ոչ ոք զինվորական կոչման չի արժանացել։ -ՀՀ պաշտպանության նախարարը և նրա տեղակալներից ոչ մեկը չի մասնակցել Բանակի օրվա նախօրեին Ամենայն Հայոց Կաթողիկոսի մասնակցությամբ տեղի ունեցած հանրապետական մաղթանքին, պարգևատրման արարողությանը և ընդունելությանը։ -Չի տարածվել ոչ մի հաղորդագրություն այլ պետությունների պաշտպանության նախարարների, ՀԱՊԿ-ի գլխավոր քարտուղարի կամ այլ միջազգային ռազմաքաղաքական կազմակերպությունների ղեկավարների կողմից։ -Ազգային ժողովի «Քաղաքացիական պայմանագիր» խմբակցության պատգամավորներն ակնհայտ անհարգալից պահվածք են դրսևորել Եռաբլուր զինվորական պանթեոնում՝ անարգելով Հայրենիքի համար զոհվածների հիշատակը։ Սրանք փաստերի մի մասն են, իսկ հետևությունները՝ մնում են յուրաքանչյուրին»:

Այսօր՝ հունվարի 29-ին, արտակարգ դեպք է տեղի ունեցել Երևանում, հայտնում է « shamshyan.com»-ը։ Ժամը 08։30-ի սահմաններում Բարեկամության էստակադայի տակ բախվել են թիվ 9 երթուղին սպասարկող տրոլեյբուսն ու Mercedes մակնիշի բեռնատարը։ Բախման հետևանքով Mercedes-ը կողաշրջվել է, իսկ 1 հոգի մարմնական վնասվածքներով տեղափոխվել է հիվանդանոց։ Պարեկային ծառայությունը պարզում է Mercedes-ի վարորդների և վիրավորի ինքնությունը։ Շամշյանի տեղեկություններով՝ կողաշրջված Mercedes-ը պատկանում է Հայաստանում հայտնի «Մարիաննա» կաթնամթերքի ընկերությանը։

«Տղաներն ընկան հաղթանակի ճանապարհին՝ առանց պարտությունը տեսնելու». կայացել է «Լույսի և փառքի պուրակի» բացման արարողությունը _____________________ 🇦🇲Այսօր՝ հունվարի 28-ին, Բերդի բազմագործառութային պետական քոլեջի 3-րդ մասնաշենքի տարածքում բացվել է Արցախյան 44-օրյա պատերազմի ընթացքում նահատակված հերոսների հիշատակը հավերժացնող «Լույսի և փառքի պուրակը»: Պուրակի բացման արարողությանը ներկա են եղել Բերդ համայնքի ղեկավարի տեղակալ Սամվել Հովսեփյանը, բնակավայրերի վարչական ղեկավարները, ուժային կառույցների ղեկավարները, զոհված զինծառայողների հարազատները: «Հայկական բանակի 30-ամյա տարեդարձի օրը իրականություն են դառնում դաժան 2020 թվականի հոկտեմբեր- նոյեմբեր ամիսների իմ անքուն գիշերների երկար մտորումները: Գաղափարը միանգամից չի ծնվել՝ ունենալ անկյուն, վայր, ուր կարող ես զրուցել հերոսների հավերժության խորհդրանիշ կանաչ եղևնիների հետ, որոնք, տարեցտարի վեր բարձրանալով, կազդարարեն ի լուր աշխարհի մեր տավուշցի հերոսների մասին: Միտքը քննարկվեց, հասունացավ ու դարձավ իրականություն. «Լույսի և փառքի պուրակ»: Քոլեջի ուսանողն այսուհետ ամեն օր կմտնի շենք պուրակի կողքով՝ պարտքի մեծագույն զգացումով՝ գնահատելով կյանքը և գիտակցելով, որ մեր հերոսներին հզոր Հայաստան և ապահով հայրենիք ենք պարտք»,- նշել է Բերդի բազմագործառութային պետական քոլեջի տնօրեն Աննա Ավալյանը: Բերդ համայնքի ղեկավարի տեղակալ Սամվել Հովսեփյանն իր ելույթում ընդգծել է նախաձեռնության կարևորությունը. «Համայնքի ղեկավարի, ավագանու, վարչական ղեկավարների և համայնքապետարանի աշխատակազմի անունից մեր խորին երախտագիտությունն եմ հայտնում այս նախաձեռնությունը կյանքի կոչելու համար: Առանձնահատուկ խոնարհումս մեր հերոսների ընտանիքներին»: «Ցավոք, այս պատերազմը Արցախյան առաջին պատերազմի նման համընդհանուր հաղթանակ մեզ չբերեց: Այն դարձավ անհատների սխրանքների և հաղթանակի պատերազմ: Բայց ինչպես այս օրերին ծնված հայտնի երգում է ասվում՝ պարտությամբ չի ավարտվում ոչինչ, եթե ողջ է ոգին:...Պատերազմը, միևնույն է, պետք է ավարտվի հայի հաղթանակով: Եթե մենք չենք հաղթել, կնշանակի՝ պատերազմը չի ավարտվել, մեր պայքարը չի ավարտվել:... Այսօր ներկա ենք կարևոր իրադարձության. բացվում է հերոսների պուրակը: Բազմիցս առիթ ենք ունեցել ասելու, որ թեև պատերազմում մենք պարտվեցինք, բայց մեր մեջ եղան հաղթողներ: Տղաներն ընկան հաղթանակի ճանապարհին՝ առանց պարտությունը տեսնելու: Նրանք հաղթանակի ճանապարհին էին, որովհետև մինչև վերջին վայրկյանը հավատում էին և գնում էին հաղթանակի հետևից»,-նշել է Բերդի և տարածաշրջանի հոգևոր հովիվ տեր Արամ քահանա Միրզոյանը: Ելույթ են ունեցել նաև անվանի մանկավարժ, բանաստեղծ Ալբերտ Պապյանը, ՀՀ ՊՆ զորակոչային և զորահավաքային համալրման ծառայության Տավուշի մարզի Բերդի տարածքային ստորաբաժանման ղեկավար, փոխգնդապետ Լեռնիկ Բաբայանը՝ առանձնահատուկ շեշտելով նախաձեռնության կարևորությունը։ Նրանք երախտագիտություն են հայտնել Բերդի բազմագործառութային պետական քոլեջի տնօրեն Աննա Ավալյանին և քոլեջի աշխատակազմին: Բերդի բազմագործառութային պետական քոլեջի տնօրեն Աննա Ավալյանը երախտագիտության հավաստագրեր է հանձնել զոհված զինծառայողների ծնողներին:

Իրանագետ Վարդան Ոսկանյանի կարծիքով`Բանակի օրվա կապակցությամբ տարածված շնորհավորական ուղերձներից չափազանց ուշագրավ է Հայաստանում Ռուսաստանի դեսպանության անդրադարձը։ Ուղերձում, հիշեցնենք, ասվում է, որ Հայաստանի անդորրի և բարգավաճման գլխավոր գրավականը հենց հայկական բանակն է։ «Եթե փորձենք ուշադրությամբ վերլուծել այս բազմիմաստ միտքը, ապա դա նաև պատասխան է թշնամու հետ «առևտրի» միջոցով Հայաստանի անդորրը և բարգավաճումն իբր ապահովելու լյումպենային մտայնության քարոզիչներին մի կողմից, իսկ մյուսից՝ ակնարկ, որ թշնամական մարտահրավերներին դեմ հանդիման մեր պետության անվտանգությունն առաջին հերթին պետք է երաշխավորի հենց մեր բանակը», - նշել է իրանագետը: Սրան զուգահեռ, ըստ Վարդան Ոսկանյանի, նույն այդ ուղերձում հստակորեն փաստվում է, որ հայկական բանակն ամրապնդելու և հզորացնելու գործում Ռուսաստանը փաստացիորեն պատրաստ է դաշնակցային աջակցություն տրամադրել։ «Բազմիցս եմ նշել, որ Հայաստանի համար մարտահրավերներով և վտանգներով լեցուն այս ժամանակահատվածում մեր առջև բացվել են նաև լուրջ հնարավորություններ, որոնք պետք է օգտագործվեն գլխավորապես մեր պետության ռազմական անվտանգության մակարդակը բարձրացնելու բացառիկ նպատակով, այլ ոչ թե թաղվեն ականջահաճո թվացող «խաղաղության դարաշրջանների» մասին սին խոստումներում», - Facebook-յան իր էջում այս մասին գրել է իրանագետը:

Հայաստանում կորոնավիրուսով վարակվածների թիվը վերջին մեկ օրում ավելացել է 2594-ով և դարձել 364 348: Տեղեկությունը հայտնում է ՀՀ առողջապահության նախարարությունը։ Այս պահին փաստացի բուժում է ստանում 19 316 մարդ, կատարվել է 2 716 415 թեստավորում, առողջացել են վարակվածներից 335 462-ը: Վարակի զոհ դարձածների ընդհանուր թիվը վերջին մեկ օրում ավելացել է 6-ով և դարձել 8041։ Կորոնավիրուսով վարակված, բայց այլ պատճառով մահացածների թիվն ավելացել է 3–ով և դարձել 1529։

ՀՀ ԱԺ «Պատիվ ունեմ» խմբակցության հայտարարություն է տարածել․ «Դավաճան իշխանական քարոզչամեքենայի կողմից իրականությունն աղավաղելու և ընդդիմադիր պատգամավորների գործունեության վերաբերյալ ակնհայտ սուտ և մանիպուլյատիվ տեղեկություններ տարածելու հերթական ձախողված փորձի վերաբերյալ ՀՀ ԱԺ «Պատիվ ունեմ» խմբակցությունը հայտարարում է. Եվրոպայի խորհրդի խորհրդարանական վեհաժողովի «Հայաստանում ժողովրդավարական ինստիտուտների գործունեությունը» վերտառությամբ բանաձևում զեկուցողների կողմից ՀՀ-ում ժողովրդավարության մասին տրված գնահատականները բացարձակապես չեն արտացոլում մեր երկրում ժողովրդավարության նահանջի և ժողովրդավարության անվան տակ պետությանն ու պետական շահերին հասցված կենսական վնասների բազմաթիվ անհերքելի փաստերը: Քաղաքական բանտարկյալների առկայությունը, ընդդիմադիր պատգամավորների տեղաշարժի սահմանափակման օրինակները, Սահմանադրական դատարանի, Բարձրագույն դատական խորհրդի, Մարդու իրավունքների պաշտպանի և մի շարք այլ պետական ինստիտուտների «հնազանդեցմանն» ուղղված իշխանության հարձակումների, ատելության խոսքի քարոզի, խոսքի և մամուլի ազատության նկատմամբ ոտնձգությունների, ընտրությունների ժամանակ վարչական ռեսուրսի կիրառման և մի շարք այլ փաստեր զեկույցում կա՛մ արտացոլված չեն, կա՛մ չեն արժանացել համազեկուցողների պատշաճ և հասցեական գնահատականի: Ժամանակին, հանդիպելով ԵԽԽՎ համազեկուցողների հետ, մենք ներկայացրել էինք նշված և մի շարք այլ արատավոր երևույթները ապացուցող փաստեր, որոնք որևէ կերպ չեն արտացոլվել զեկույցում, որը ևս մեկ անգամ ընդգծում է այսպես կոչված զեկույցի միակողմանի, կանխակալ և, գուցե նաև, ուղղորդված լինելու փաստը: Նմանօրինակ զեկույցների առկայությունը մի կողմից մոլորեցնում է միջազգային հանրությանը ՀՀ-ում տիրող իրավիճակի մասին, իսկ մյուս կողմից կապիտուլյանտների խունտայի մոտ ձևավորում անպատժելիության պատրանք: Զեկույցի վերաբերյալ ադրբեջանական պատվիրակությունը ներկայացրել է տասնյակից ավել առաջարկություններ, որոնք ի լրումն Հայաստանի իշխանությունների կողմից վերջին շրջանում արտահայտած զարհուրելի և խայտառակ, ադրբեջանական ստերը նմանակող մոտեցումներին բացասական ազդեցություն կարող էին ունենալ մեր երկրի բանակցային շահերին: Դրանք բոլորը մերժվել են թե՛ ԵԽԽՎ մոնիթորինգային հանձնաժողովի դռնփակ նիստում, որին իր ակտիվ ներգրավվածությունն է ունեցել պատվիրակության անդամ Հայկ Մամիջանյանը, թե՛ ԵԽԽՎ լիագումար նիստում: Ադրբեջանական առաջարկների առանձին քվեարկության ժամանակ պատվիրակության ըննդիմադիր անդամը քվեարկել է դրանք մերժելու և զեկույցում դրանք չներառելու համար: Հաշվի առնելով քննարկման հատուկ ընթացակարգը՝ Հայկ Մամիջանյանը հանդես է եկել գրավոր հայտարարությամբ, որում ներկայացվել է թե՛ ՀՀ-ում ժողովրդավարության իրական վիճակը, թե՛ թուրք-ադրբեջանական տանդեմի հակահայկական լկտի պահվածքը՝ տալով հստակ հասցեական գնահատականներ: Ընդդիմադիր պատգամավորի նկատմամբ տեղեկատվական մանիպուլյատիվ արշավը նախաձեռնվել և համակարգվել է իշխանությունների կողմից: Այս անգամ կիրառվեց ատելության խոսքի տարածման ողջ գործիքակազմը՝ ֆեյքային գրոհներից մինչև իշխանամերձ ԶԼՄ-ներ, այդ թվում հարկատուների հաշվին գործող այսպես կոչված Հանրային հեռուստաընկերության միակողմանի, մանիպուլյատիվ ուղղորդված վերնագրային ռեպորտաժներ: Նշենք նաև, որ այս կեղտոտ արշավն իրականացվեց Հայաստանի անկախության և ինքնիշխանության խորհրդանիշ հանդիսացող հայոց փառապանծ բանակի 30-ամյակի տոնակատարություններից խորշելու և այդ փաստից հասարակության ուշադրությունը շեղելու նպատակով: Զավեշտալի է, որ սա տեղի է ունենում մի երկրում, որտեղ ամենաբարձր պետական մակարդակով առաջ են մղվում ադրբեջանական քարոզչական թեզեր, որոնք փորձում են ապացուցել, որ Արցախը չի կարող լինել հայկական, իսկ ԵԽԽՎ պատվիրակության ղեկավարը մարդ է, որը պատասխանատու է հայ-թուրքական ստորացման գործընթացի համար: ԱԺ «Պատիվ ունեմ» խմբակցությունը վերահաստատում է ՀՀԿ գործադիր մարմնի անդամ, խմբակցության քարտուղար Հայկ Մամիջանյանի քվեարկությունը: Քվեարկելով դեմ այս բանաձևին՝ Հայկ Մամիջանյանը դեմ է քվեարկել Արցախի ադրբեջանականացմանը, Հայաստանի թրքացմանը, Հայաստանի պետականության վերացմանը և Հայաստանում տեղի ունեցող քաղաքական հետապնդումների նկատմամբ եվրոպական կառույցների կուրությանը: Քվեարկելով դեմ այս բանաձևին՝ Հայկ Մամիջանյանը դեմ է քվեարկել Ադրբեջանի համար հարբած ծաղրածու հանդիսացող էակին՝ Նիկոլ Փաշինյանին և իր սպասարկուներին»։

Հունվարի 28-ը Հայոց բանակը դիմավորեց առանց երկրի անվտանգության երաշխավորի, առանց առողջ գլխավոր հրամանատարի, ու այս գիշեր մեր զինվորներից շատերը կրկին քնել են գետնին, ինքնաշեն վառարաններին կպած, վրաններում կուչ եկած: Հայկական բանակը վերածվել է մի մեծ սեւ անցքի՝ հայկական վշտի տիեզերքում, որտեղ մարդիկ կարող են կորչել անհետ, իսկ ՊՆ-ն անգամ մի ձեւական ցավակցություն չհայտնի, չտեղեկացնի դեպքի մասին: Անցյալ տարվա մայիսին Վարդենիսի տարածաշրջանում անհետ կորել էր 18-ամյա ժամկետային զինծառայող՝ Տավուշի մարզի Կողբ գյուղի բնակիչ Նորիկ Մկրտչյանը: Մինչ օրս նրա մասին տեղեկություն չկա: Իսկ նախօրեին հայտնի դարձավ, որ արդեն երկուսուկես ամիս է՝ կորել է Վայոց Ձորի բնակիչ, 33-ամյա պայմանագրային զինծառայող Վահե Մանուկյանը, սակայն ՊՆ-ն դեպքի մասին լռել է եւ կշարունակեր, հավանաբար, լռել, եթե Ազգային ժողովի «Պատիվ ունեմ» խմբակցության պատգամավոր Տիգրան Աբրահամյանը չայցելեր մարզ, պատահական չլսեր Վահեի անհետացման մասին ու չգրեր իր ֆեյսբուքյան էջում:  Պատգամավորը երկու հարցում է արել ՊՆ ու ստացել պաշտոնական հաստատում: Քրեական գործ կա հարուցված՝ ՔՕ 361 հոդվածի 1-ին մասով՝ (Դասալքությունը՝ զինվորական ծառայությունից վերջնականապես խուսափելու նպատակով զորամասը կամ ծառայության վայրն ինքնակամ թողնելը, ինչպես նաեւ նույն նպատակով ծառայության չներկայանալը): «Դիրքում, կարծես թե, միջադեպ՝ ոչ կանոնադրական հարաբերությունների խախտում, չի եղել։ Այսինքն՝ ծառայության հետ կապված խնդիր, կարծես թե, չի եղել։ Միայն հայտնի է, որ ընկերոջը «վեշ» է եկել, վերջինիս ոտքը վնասված է եղել, եւ խնդրել է Վահե Մանուկյանին՝ իջնել ու վերցնել։ Վահե Մանուկյանն իջել է, այդ ընթացքում եղել է հարեւան հայկական դիրքում, որից հետո իր դիրք վերադառնալուց հետո անհետացել է»,- գրել է Տիգրան Աբրահամյանը։ Մենք կապվեցինք Վահե Մանուկյանի կնոջ՝ Լիանա Մելիքսեթյանի հետ: Նա մեզ մանրամասներ հայտնեց, որոնք իսպառ հերքում են դասալքության վարկածը: Պարզվում էч նոյեմբերի 12-ի առավոտյան Վահե Մանուկյանը բարձրացել է «պոստեր»՝ հերթապահության, որը պայմանագրային զինծառայողների դեպքում 15 օր է տեւում: Նա հերթապահության վայր է հասել ժամը 12-ին: «Նորմալ գնացել է իր պոստը: Ոնց երեք տարի ծառայել է, նույնպես էդ օրը գնացել է ծառայության՝ տաքսիով: Նա չի ունեցել ո՛չ գումար, ո՛չ անձնագիր, ո՛չ աշխատավարձի քարտ: Այդպես չեն փախչում»,- ասում է Լիանան: Ըստ կնոջ, դա Վահեի վերջին «պերեսմենկան» է եղել: Նրա ծառայության պայմանագիրն ավարտվում էր, որից հետո մտադիր էր նորից պայմանագիրը երեք տարով երկարացնել:  «Ինչո՞ւ պետք է փախչեր: Երկու շաբաթից կարող էր իր պայմանագիրը չերկարացնել: Բայց նա երեխաներին պահելու, վարկերը վճարելու համար մտադիր էր շարունակել ծառայությունը: Վայոց Ձորում աշխատանք նորմալ չկա: Մի 180-200 հազար ստանում էր, ինչո՞ւ պետք է հրաժարվեր»,- ասում է «Հրապարակին» Լիանա Մելիքսեթյանը:  Նա երեք անչափահաս երեխա ունի՝ 4, 6, 7 տարեկան: Վերջին անգամ հեռախոսով խոսել է ամուսնու հետ վերջինիս՝ մարտական դիրք բարձրանալուց առաջ: «Խոսել ենք մեր առօրյայից, խնդիրներ զորամասում չի ունեցել, կոնֆլիկտ չի ունեցել: Այո, պոստերի ընկերոջ ոտքը ցավում էր, նրանք միասին են պատերազմին մասնակցել: «Վեշ» ա եկել իրեն, նա ասել է ամուսնուս՝ խնդրում եմ, իրերս բեր, ինքն էլ չի մերժել, գնացել է: Հետո զանգել եմ, արդեն անհասանելի է եղել: Ժամը ութին եկել են մեր տուն ռազմական ոստիկանությունից, իրեն փնտրելու, ու դրա հիման վրա են գործ հարուցել՝ ինքնակամ ծառայության վայրը լքելու համար: Մտածել են, թե փախել է»:  Լիանան կարծում  է, որ Վահե Մանուկյանը կա՛մ գերի է ընկել, կա՛մ սպանվել է, բայց թե ինչու մինչեւ հիմա պաշտպանության նախարարությունը չի բարձրաձայնում այդ մասին, եւ ինչու են ամուսնուն դասալիքի տեղ դնում, ինքը չգիտի:  Նա իր նախաձեռնությամբ դիմել է Կարմիր խաչին՝ փորձելով որեւէ տեղեկություն ստանալ Վահե Մանուկյանի մասին: «Ես Կարմիր խաչին եմ փոխանցել տվյալները, մերոնք չէին թողնում: Մի քանի անգամ զանգել, տվյալներ եմ փոխանցել, երկար ժամանակ անց նոր ասացին, որ տվյալներն ուղարկվել են Բաքու, հետո էլ ասացին, որ մերժվել է, որ նման անուն-ազգանունով մարդ չկա: Հիմա ես չգիտեմ՝ ինչ է լինելու: Ինձ ոչ ոք ճիշտը չի ասում»,- գանգատվում է կինը:  Ժամանակին նա ապրում էր Վայոց Ձորի Գլաձոր գյուղում, հետո ընտանիքը տեղափոխվեց Եղեգնաձոր քաղաք: Լիանան ամուսնու եւ երեք երեխաների հետ ապրում էր վարձով: Հիմա ամուսնու աշխատավարձը սառեցրել են: Կինն արդեն երեք ամիս է, մնացել է 34 հազար դրամ նպաստի հույսին: Ձեռքին չնչին գումար է մնում: Փետրվարի 10-ին տան վարձի վճարման օրն է:  ՀԳ. Քննությանը մոտ աղբյուրից հայտնի դարձավ, որ Վահե Մանուկյանի հեռախոսը նրա անհետանալուց հետո գտել են դիրքից 3 կիլոմետր դեպի թիկունք ընկած մասում:

Մոսկվայում ոստիկանները դադարեցրել են Գարեգին Նժդեհի մասին ֆիլմի ցուցադրությունը, ներկաներին հեռացրել դահլիճից, հայտնում է «Ռեգնում» գործակալությունը՝ հղում անելով իր աղբյուրին։ Ըստ հրապարակված տեղեկությունների, ոստիկանները ժամանել են ֆիլմի ցուցադրության վայր, որը գտնվում է Սովետական բանակի փողոցում և դադարեցրել են կինոդիտումը։ Ոստիկանության ծառայողներն իրենց քայլը հիմնավորել են «նացիզմի քարոզչության անթույլատրելիությամբ»։

Առողջապահության նախարար Անահիտ Ավանեսյանը կորոնավիրուսի «Օմիկրոն» շտամի ակտիվորեն տարածման ու դրանով պայմանավորված՝ դրական դեպքերի աճ է կանխատեսում։ Արդեն օրական 2 հազարից ավելի դեպք է գրանցվում, եւ սա, ըստ նախարարի, դեռ պիկը չէ։ Պատճառն այն է, որ «Օմիկրոն» շտամը շատ ավելի արագ է տարածվում։ Օրեր առաջ՝ հունվարի 22-ին, կառավարությունը՝ ողջ կազմով, նաեւ պատգամավորներ, զինված ուժերի բարձրաստիճան պաշտոնյաներ, մասնակցել էին պաշտպանության նախարար Սուրեն Պապիկյանի հարսանիքին, որից մի քանի օր անց՝ հունվարի 26-ին, հայտարարվեց, որ Նիկոլ Փաշինյանը վարակվել է կորոնավիրուսով։ Հետո մամուլում գրվեց այլ բարձրաստիճան պաշտոնյաների վարակման մասին եւս։ Անահիտ Ավանեսյանը մեզ հետ զրույցում նախ ասաց, որ հիվանդության տարածումը վերջին երեք շաբաթների ընթացքում է աճի միտում ցույց տալիս, եւ ավելացրեց, որ շաբաթ օրվա միջոցառումից առաջ եւս եղել են կորոնավիրուսով վարակված պաշտոնատար անձինք, գրում է «Hraparak.am»-ը։ «Ուստի էստեղ որեւէ արտառոց բան չեմ տեսնում»,- ասաց Ավանեսյանը։ - Բայց վարչապետի՝ կորոնավիրուսով վարակվելու փաստը համընկավ հենց Պապիկյանի հարսանիքին մասնակցելուց հետո ընկած ժամանակահատվածի հետ։ Չե՞ք կարծում, որ վարակի տարածման օջախ է հանդիսացել հենց Պապիկյանի բազմամարդ հարսանիքը։ - Տեսեք, այս օրերին գրանցված 2 հազարից ավելի մարդկանց վարակման տարբեր առիթներ կարող են լինել, եւ ինչ-որ զուգահեռ անցկացնելու իմաստ չունի եւ տեղին չէ։ - Իսկ հարսանիքի ժամանակ ռեստորան մուտք գործելիս Ձեզնից QR կոդ պահանջե՞լ են։ - Այո։ - Անձամբ միայն Ձեզնի՞ց, թե՞ հարսանիքի մյուս մասնակիցներից եւս։ - Ես իմ մասին եմ խոսում, այո, ես, ինչպես այդ օրը, դրանից հետո, արդեն ընթացքում ուր որ այցելել եմ, բարեբախտաբար, հարցրել են QR կոդ։ - Թեեւ այսօր բազմամարդ հավաքներն արգելված չեն օրենքով, բայց, հաշվի առնելով վարակի տարածման ռիսկը, զուտ անձնական պատասխանատվության տեսանկյունից չե՞ք կարծում, որ գոնե կառավարության անդամները պետք է այս հարցում զգուշավոր լինեն եւ այդ բազմամարդ հավաքներից խուսափեն, քանզի կարող էր եւ հենց այդ հարսանիքը վարակի տարածման աղբյուր հանդիսանալ։ - Տեսեք, միանշանակ կառավարության անդամները, բարձրաստիճան պաշտոնյաները, առաջնորդվելով այդ՝ ավելի բարձր պատասխանատվության զգացումով, պատվաստման առաջին իսկ հնարավորության պարագայում առաջինն էին, որ պատվաստվեցին։ Հետեւում են բոլոր սահմանափակող միջոցառումներին, դիմակներ կրելուն եւ այլն եւ, նորից եմ կրկնում, ենթարկվում են այս պահին օրենքով սահմանված կանոններին եւ դրա շրջանակներում արդեն իսկ կազմակերպում են իրենց կյանքը, ինչպես նաեւ մյուս բոլոր քաղաքացիները։ Հավելյալ բան չունեմ ասելու։ - Բայց, ենթադրաբար, այդ օրը հարսանիքին դիմակ չեն կրել, Դուք էլ չեք կրել, մյուսներն էլ։ - Ես նորից եմ կրկնում, ինչպես Դուք շատ լավ քաջատեղյակ եք, մենք արգելք չունենք սնվելիս, հանրային սննդի վայրերում գտնվելիս դիմակ կրելու։ - Ասացիք, որ այս թվերը դեռ պիկը չեն, էլի եք սպասում թվերի աճի։ Դուք դրան ընդառաջ ի՞նչ կանխարգելիչ միջոցառումներ եք նախատեսում, հնարավո՞ր է նոր սահմանափակումներ եւս կիրառվեն, եւ այս իրավիճակում մահճակալային ֆոնդի խնդիր կարո՞ղ է առաջանալ։ - Իհարկե, հոսպիտալացման տոկոսը դրական դեպքերի մեջ ավելի նվազ է, քան «Դելտա» շտամի պարագայում, բայց մենք հասկանում ենք, որ երբ ունենք 2 հազար 500, հաջորդիվ՝ շատ ավելի մեծ թվեր, մենք տեսնում ենք, որ, ցավոք սրտի, հարեւան Վրաստանում երեկ էլ 17 հազար դրական դեպք է գրանցվել։ Եվ արդեն այդ մեծաթիվ դրական դեպքերի մեջ, իհարկե, այդ 5 տոկոսն էլ բավականին մեծ թիվ է կազմում, եւ մենք չենք կարող թեթեւ մոտենալ դրան, բոլորս էլ հասկանում ենք, որ առողջապահական համակարգն այսօր էլ եւ հաջորդիվ գերլարված ռեժիմով պետք է աշխատի, որպեսզի կարողանա պատշաճ բժշկական օգնություն մատուցել։ Մենք ունենք հստակ պլան՝ մեր մահճակալային ֆոնդի ծավալման, եւ ըստ այդ պլանի՝ առաջնորդվում ենք։ Հաջորդ օրերին կարիքի դեպքում կծավալվեն նոր մահճակալներ, քովիդի բուժման մեջ կընդգրկվեն նաեւ այլ բժշկական կենտրոններ։ Այս պահին մենք ունենք մոտ հազար հոսպիտալացված քաղաքացի, որոնք օգտվում են ստացիոնար բժշկական օգնությունից։ - Իսկ նոր սահմանափակումների կամ նոր կանխարգելիչ միջոցառումների հավանականություն կա՞։ - Այս պահին նոր սահմանափակումների մասին արդեն իսկ կազմված նախագծեր չունենք, կարող եմ ասել, որ դեռ պահպանվում է այն ռեժիմը, որը հիմա ունենք։

«Հրապարակ» թերթը գրում է. «Նախագահ Արմեն Սարգսյանի հրաժարականը շարունակում են քննարկել տարբեր շրջանակներում, և մարդիկ արձանագրում են, որ հրաժարականի հայտարարությունից հետո էլ նա չի պասիվացել։ Երկու կամ երեք հայտարարություն է տարածել իր աշխատակազմը, իսկ երեկ ՀՀ նախագահը հանդես եկավ Բանակի օրվան նվիրված ուղերձով։ Վերլուծողները կարծում են, որ Հայաստանից հեռացող մարդն իրեն այդպես չի պահում, և սա վկայում է այն մասին, որ Արմեն Սարգսյանն ինչ-որ պլաններ ունի ապագայի հետ կապված։ Իսկ ինչ վերաբերում է հրաժարականին, ապա դա, ըստ ամենայնի, անակնկալ է եղել ոչ միայն Նիկոլ Փաշինյանի և առհասարակ՝ հասարակության համար, այլև հենց իր աշխատակազմի։ Ավելին՝ նախագահականի մեր աղբյուրները պատմում են, որ հրաժարականին նախորդած օրերին Արմեն Սարգսյանը կապվել է աշխատակազմի հետ, հանձնարարություններ տվել՝ ինչ-որ նոր պրոյեկտի հետ կապված փաստաթղթեր պատրաստելու, նաև՝ եվրոպական ինչ-որ կոնֆերանսի մասնակցելու համար տոմսեր ամրագրելու, իսկ հաջորդ օրը զանգահարել և չեղարկել է նախօրեին տված հանձնարարականները։ Աշխատակազմում նույնպես զարմացած են և կատարվածի բացատրությունը չեն գտնում։ Ճիշտ է՝ անցյալում եղել են խոսակցություններ հրաժարական տալու մասին, սակայն այս պահին դրա մասին վկայող ոչ մի փաստ չկար»։

«Հրապարակ» Իշխանական եւ մերձիշխանական շրջանակներում վտանգավոր իդեաներ են քննարկվում՝ կապված սահմանադրական առաջիկա գործընթացների հետ։ «Գոլոս Արմենիի» Հունվարի 20-ին Ադրբեջանի ԱԳ նախարար Ջեյհուն Բայրամովը հայտարարել է, որ Հայաստանի ցուցաբերած դիրքորոշումն ու սահմանազատման գործընթացն սկսելու մի շարք նախապայմանները բացարձակապես անընդունելի են Ադրբեջանի համար: «Հրապարակ» Արմեն Սարգսյանն ինչ-որ պլաններ ունի ապագայի հետ կապված։ «Հրապարակ» Քաղաքապետարանում կարծում են, որ թափուր տեղերի համալրումից հետո պարզ կդառնա՝ ով է այս պահին դե ֆակտո քաղաքապետը՝ Տիգրան Ավինյա՞նը, թե՞ Հրաչյա Սարգսյանը: «Ժողովուրդ» «Հայփոստ»-ի մի քանի ծառայությունների գներ կթանկանան: Օրվա մամուլի հրապարակումները ժամը 11-ին, 5-րդ ալիքի ուղիղ եթերում «Օրագիր» հաղորդման հեղինակ Մարիաննա Ղահրամանյանը կքննարկի քաղաքագետ Հրանտ Միքայելյանի հետ:

Երևանի Խաղաղ Դոնի փողոցի շենքերից մեկի պատին անցորդներն արդեն կտեսնեն 44-օրյա պատերազմում հերոսացած Ռուբեն Մարգարյանի նկարը: Ռուբենը՝ որպես կամավորական, պատերազմի ամենածանր օրերին ընկերներին տաք հագուստ, սնունդ ու զենք պետք է հասցներ: Անհրաժեշտ իրերը տեղ հասել են, իսկ Ռուբենն այլևս չի վերադարձել:

Դուրս գալ ամենամեծ ողբերգությունից ու փոխել իրականությունը: Այս մասին է «Բազկամարդը»՝ 2 ոտքն ու աջ ձեռքը կորցրած Սարգիս Ստեփանյանի մասին պատմող գիրքը: Հայկական բանակի լավագույն հատուկջոկատայիններից է Ստեփանյանը:

Թե ինչպես Արցախի խորհրդանիշ Դեդոն որոշեց պատերազմ գնալ, բազկին տիկնոջ պատկերով դաջվածք արեց ու մենակ թողեց սիրելի Բաբոյին: Սա պատմություն է, որը հորինել են հայտնի «Գտնված երազ» մուլտֆիլմի հեղինակները: Դիլաքյան եղբայրների ցուցահանդեսը Հայաստանում է՝ «Արցախի տանը»:

Այսօր Հանրապետության հրապարակում տոնական միջոցառումներ չեղան: Պաշտպանության նախարարությունը մեկ մեծ միջոցառում՝ «Խոնարհման երեկո» էր նախատեսել «Դվին» հյուրանոցում, որը հետաձգվեց՝ մասնակիցների քովիդով վարակվելու պատճառով: Բանակի կազմավորման 30-ամյակը չնշել՝ նշանակում է հրաժարվել Հայաստանի Հանրապետությունից: Այս մտքով են Հանրապետության հրապարակ գնացել մի խումբ ազատամարտիկներ:

Օրվա ուղերձներում և՛ մտահոգություններ կան, և՛ հույս, որ մի օր էլի ուղղվելու է բանակի մեջքը: Այս համոզմունքն ունեն երկրորդ ու երրորդ նախագահները: