Լրահոս

Սեպտեմբերի 28-ին, ադրբեջանական կողմը Շուշիում հայկական կողմին է փոխանցել ևս 3 հայ զինծառայողի աճյուն:

Այսօր՝ սեպտեմբերի 29-ին, ինքնասպանություն է տեղի ունեցել Երևանում։ Ժամը 08։50-ի սահմաններում արտակարգ իրավիճակների նախարարության փրկարար ծառայության 9-11 ճգնաժամային կառավարման կենտրոն ահազանգ է ստացվել, որ քաղաքացին նետվել է Կիևյան կամրջից։

Արցախյան պատերազմում զոհված Սլավա Բադալյանի անունով դասարան է բացվել՝ նրա հարազատ Նոյակերտ գյուղի դպրոցում: Հադրութի գնդի հակատանկային մարտկոցի զինծառայող էր մեր գործընկեր Սլավան:

Հայաստանում սեպտեմբերի 29-ի դրությամբ հաստատվել է կորոնավիրուսով վարակման 896 նոր դեպք, վարակվածների ընդհանուր թիվը հասել է 241 191-ի: 

Օրվա մամուլի հրապարակումները ժ.11-ին, 5-րդ ալիքի ուղիղ եթերում «Օրագիր» հաղորդման հեղինակ Մարիաննա Ղահրամանյանը կքննարկի ՀՎԿԱԿ վարակիչ և ոչ վարակիչ հիվանդությունների համաճարակաբանության վարչության պետ Ռոմելլա Աբովյանի հետ:

Արցախի օկուպացրած տարածքների մոտ իրանական զինուժի անցկացրած զորավարժություններին արձագանքել է Ադրբեջանի նախագահը: Ալիևը զարմացած է, թե ինչո՞ւ Թեհրանը նախկինում երբեք զորախաղեր չէր անում, երբ այդ տարածքները հայերի վերահսկողության տակ էին:

Պաշտոնական Բաքուն շարունակում է հերքել, թե իր տարածքում հայ գերիներ կան: Ալիևն է այդ մասին նոր հայտարարություն արել՝ ի պատասխան Եվրոպայի խորհրդի խորհրդարանական վեհաժողովի, որը կոչ էր արել Ադրբեջանի իշխանություններին ազատ արձակել բոլոր հայ գերիներին, նաև Եվրադատարանին տեղեկություն տալ այն 30 հայերի մասին, որոնց գերության մեջ տեսանկարահանել են, սակայն այժմ նրանց գտնվելու վայրը հայտնի չէ:

ԵԱՀԿ Մինսկի խումբը վերսկսում է տարածաշրջանային այցերը և նախատեսում է այցելություն նաև Ստեփանակերտ: Ռուսաստանի արտգործնախարար Սերգեյ Լավրովն ասել է, որ համաձայնությունը Նյու Յորքում ձեռք են բերել Հայաստանի ու Ադրբեջանի արտգործնախարարները:

Վիրտուալ տեղեկատվությունը շարունակում էր մնալ թոփում․ երկրի ղեկավար կազմը պատերազմի այդ պահին իրենց ձեռնտու իրավիճակը հրամցնում էին հասարակությանը ֆեյսբուքով։

Այսօր Առողջապահության նախարարության մոտ բողոքի ակցիայի կազմակերպիչներից երեքին բերման են ենթարկել։ Ակցիայի մասնակիցները, որոնց թվում նաև բժիշկներ էին, պահանջում էին, որ կորոնավիրուսի դեմ պատվաստումը պարտադիր չլինի, այլ յուրաքանչյուրի գիտակցված որոշումը:

Խորհրդարանական մեծամասնությունն այսօր մերժել է քննություն սկսել, պարզելու, թե ինչու Նիկոլ Փաշինյանը չի կանգնեցրել 44-օրյա պատերազմը հոկտեմբերի 7-ին, ինչի հնարավորությունը ունեցել է, ըստ Իլհամ Ալիևի:

Թեև Եվրոպայի խորհրդի խորհրդարանական վեհաժողովի հատուկ զեկուցողը իր փաստահավաք աշխատանքների ընթացքում չի այցելել Արցախ, այնուամենայնիվ ողջունելի է, որ նրա կողմից պատրաստված զեկույցում տարբեր հարցերի, մասնավորապես՝ մշակութային ժառանգության պահպանության վերաբերյալ հարցերի ներկայացման համար որպես առաջնային աղբյուր օգտագործվել է Արցախի մարդու իրավունքների պաշտպանի աշխատակազմի պատրաստած զեկույցները։

Հայկական ազգային կինոակադեմիայից տեղեկացնում են, որ  սեպտեմբերի 27-ին տեղի ունեցած նիստում կայացած փակ քվեարկությամբ Ամերիկյան կինոակադեմիայի «Օսկար» ամենամյա մրցանակաբաշխության «Լավագույն օտարալեզու ֆիլմ» անվանակարգում առաջադրվելու համար քվեարկության մասնակիցների ձայների մեծամասնությամբ ընտրվել է «Երբ որ քամին հանդարտվի» (ռեժիսոր՝ Նորա Մարտիրոսյան) գեղարվեստական ֆիլմը։

Արցախում ռուս խաղաղապահները օդ են բարձրացրել «Օրլան-10» անօդաչու թռչող սարք: Մարտական ծառայության դուրս եկած ԱԹՍ-ն իրական ժամանակում խաղաղապահներին տվյալներ է փոխանցում՝ պատասխանատվության գոտու իրավիճակի, հրադադարի խախտումների մասին:

ԵԱՀԿ Մինսկի խմբի միջնորդները կայցելեն Հայաստան, Ադրբեջան և Արցախ: Երեք երկրների մայրաքաղաքներում նախատեսված են հանդիպումներ: Եռանախագահները այս պայմանավորվածությունը ձեռք են բերել Նյու Յորքում՝ Հայաստանի ու Ադրբեջանի արտգործնախարարների հետ հանդիպման ժամանակ:

Ադրբեջանի նախագահ Իլհամ Ալիևը France24-ին տված հարցազրույցում նշել է, որ չի առարկի ՀՀ վարչապետ Նիկոլ Փաշինյանի հետ հանդիպման հարցում։ Այս մասին Ալիևն ասել է France24-ին։

Սեպտեմբերի 28-ին, ժամը 11։30-ի սահմաններում, հայ-ադրբեջանական սահմանի Գեղարքունիքի մարզի, մասնավորապես՝ Կութ գյուղի մարտական դիրքերի ուղղությամբ ադրբեջանական ԶՈՒ ստորաբաժանումների կողմից արձակված կրակոցից բազկի հատվածում հրազենային վիրավորում է ստացել N զորամասի զինծառայող, շարքային Գառնիկ Մնացականի Աբրահամյանը։