Լրահոս

«Հաղթանակի ապրիլ» փաստավավերագրական ֆիլմի կրկնությունը 5-ի եթերում կլինի կիրակի՝ ապրիլի 5-ին, ժամը 19:30: Նույն ժամին՝ զուգահեռ, youtube-ում տեղի կունենա ֆիլմի համացանցային պրեմիերան: 

«Էրեբունի» բժշկական կենտրոնում ստացիոնար բուժում ստանալաուց հետո այսօր առավոտյան ՀՀ երկրորդ նախագահ Ռոբերտ Քոչարյանը տեղափոխվել է «Երևան-Կենտրոն» քրեակատարողական հիմնարկ։ Բժիշկները նրա առողջական վիճակում դինամիկա են արձանագրել, սակայն փաստել են, որ Ռոբերտ Քոչարյանը այս պահին բժշկի մշտական վերահսկողության և հետագա բուժման կարիք ունի։

Երեք օրում Հայաստանում դեպքերը գրեթե 200-ով են ավելացել: Այսօրվա 92 նոր դեպքը՝ երեկվա համեմատությամբ 53-ով ավել է: Այս թռիչքային աճի պատճառը վիրուսի տարածումն է ու նոր օջախների առաջացումը, կան նաեւ բերովի դեպքեր: Այսօր առողջապահության նախարարն է ասել, ի դեպ Թորոսյանը չի համարում որ սա թռիչքային աճ է:  

Այսօր ապրիլյան քառօրյա պատերազմի 4-րդ տարելիցն է: 2016-ի ապրիլի 2-ին Ադրբեջանը Արցախի նկատմամբ լայնածավալ հարձակում կատարեց՝ սահմանի ողջ երկայնքով:

Կորոնավիրուսի թեման փակելուց առաջ, կարեւոր տեղեկություններ՝ նրանց համար, ովքեր օգնություն են ակնկալում պետությունից: Մեր երկրում կորոնավիրուսի տնտեսական ու սոցիալական վնասները հաղթահարելու համար կառավարության մշակած մի քանի ծրագրեր կյանքի կկոչվեն ապրիլի 10-ից: Մարտի 13-ից 30-ը աշխատանքը կորցրածները կառավարությունից աջակցություն կստանան: Կառավարությունը գտել է նաեւ չգրանցված աշխատողներին օգնելու ձեւը: Օգնություն կստանան նաեւ անչափահաս երեխաներ ուենցող չաշխատողներն ու հղիները:

Կորոնավիրուսի դեմ պայքարին կարո՞ղ է արդյոք օգնել հարյուր տարի առաջ հայտնաբերված ԲԷ-ՑԷ-ԺԷ պատվաստանյութը: Ֆրանսիայում, որտեղ վերջերս բժիշկներին պաշտոնապես թույլատրվեց օգտագործել մալարիայի բուժման համար նախատեսված Քլորոքինը, հիմա էլ՝ կլինիկական փորձարկումներ են սկսել՝ պարզելու՝ հակա- տուբերկուլյոզային ԲԷ-ՑԷ-ԺԷ պատվաստանյութի էֆեկտիվությունը:

Այսօր երկրագնդի բնակչության կեսը ինքնամեկուսացած է: Սա վարակի տարածումը կանխելու գլխավոր միջոցներից է: Ինտրովերտները շփման սահմանափակումից չեն նեղվում, իսկ էքստրովերտները շարունակում են շփման ուղիներ գտնել:

Ապրիլյան քառօրյան ոչ միայն զինվորների ու կամավորների, այլեւ խաղաղ բնակիչների կյանք խլեց: Անչափահաս երեխա մահացավ, խոշտանգվեցին տարեց ամուսինները: Ի՞նչ է եղել 4 տարի առաջ: 5-րդ ալիքի գլխավոր տնօրեն Հարություն Հարությունյանը փաստավավերագրական ֆիլմ է նկարել ապրլյան քառօրյայի մասին: Նկարահանումների գերակշիռ մասն արվել է Արցախում:

«Գազպրոմ Արմենիա»-ն գազի սակագնի փոփոխւթյան հայտ է պատրասվում ներկայացնել հանրային ծառայությունները կարգավորող հանձնաժողով: Մամուլում հակասական լուրեր էին գազի նոր սակագնի վերաբերյալ:

Համաշխարհային բանկի կանխատեսմամբ, կորոնավիրուսի պատճառով աղքատության շեմին կարող է հասնել 11 միլիոն մարդ՝ միայն Արեւելյան Ասիայում եւ Խաղաղ-օվկիանոսյան տարածաշրջանում: Բայց աղքատներն ամենուր են: Նույնիսկ Եվրոպայի ամենահզոր տնտեսությամբ երկրում ՝ Գերմանիայում, որտեղ անօթեւանների առաջ դռներն են բացում շքեղ հյուրանոցները:

Իսկ Չինաստանի Ուհան քաղաքում, որտեղից սկսվեց համաճարակը, մեկ շաբաթից կվերացվեն տեղաշարժի բոլոր սահմանափակումները: Այնտեղ կյանքը վերադառնում է բնականոն հուն: Մարդիկ անարգել շրջում են, գնում՝ աշխատանքի:

Հայաստանում արտակարգ դրության ռեժիմը ավելի է խստացվում: Մինչեւ ապրիլի 12-ը դադարեցվում է հանրային տրանսպորտի աշխատանքը, բնակչության ազատ տեղաշարժը՝ մարզերի ու Երեւանի միջեւ: Մայրաքաղաքի մուտքերի մոտ տրանսպորտի շարժը վերահսկում են Ոստիկանությունը եւ ԱԱԾ-ն: Ի՞նչ է այսօրվանից փոխվում մեր կյանքում:

Այժմ շրջենք մայրաքաղաքի թաղամասերով, տեսնենք թե արտակարգ դրության խստացված՝ 16-րդ օրը ինչ տեսք ունի: Օրվա պատկերն առանց մեկնաբանության: