Լրահոս

Քաղցկեղով հիվանդ հայ երեխաների կտավները կթռչեն տիեզերք: Արյունաբանական կենտրոնում բուժվող մանուկները հաջորդ շաբաթ Սարյանի գուներով կտավներ կնկարեն տիեզերագնացների համար կարվող հագուստի կտորների վրա: Դրանք ռուս տիեզերագնացները իրենց հետ տիեզերք կտանեն: Այս մասին հայտարարել են Սարյանի տուն-թանգարանում, որտեղ ուրբաթ բացվել է տիեզերքի թեմայով ցուցադրություն: Վաճառված տոմսերի գումարը կփոխանցեն քաղցկեղով հիվանդ երեխաների բուժմանը:

Բանակում զոհված զինվորների մայրերը, որ կառավարությունից փոխհատուցում են պահանջում, հինգշաբթի կվերսկսեն բողոքի ակցիան: Հիշում եք, որ սևասզգեստ մայրերը հանդիպել էին վարչապետ Փաշինյանի հետ, սակայն այդպես էլ չէին լսել իրենց բարձրացրած հարցերի պատասխանները: Որդի կորցրած կանանց հասցեին համացանցային վիրավորանքներին արձագանքել է Մարգարիտա Խաչատրյանը: Նա այսօր միացել է Երևանում մեկնարկած սոցիալական նոր շարժմանը:

Նախագահական ընտրություններին պատրաստվող Թրամփը իր հեղինակությունը փրկելու խնդիր ունի: Նրա իմպիչմենթի գործով հանրային լսումները այս շաբաթ էկրանների մոտ են հավաքել 14 միլիոն ամերիկացու: Իր դեմ տեղի ունեցողը Միացյալ Նահագների նախագահը համարում է վհուկների որս:

Հայաստանում անձնիշխանության իրական վտանգ կա: Արձանագրել է «Վերնատուն» ակումբը՝ ամփոփելով նոյեմբերի 15-ի համաժողովում հնչած ելույթները: Հայաստանի առաջին վարչապետ Վազգեն Մանուկյանի նախաձեռնած հասարակական-քաղաքական ակումբը այսօրվա հայտարարության մեջ ներկայացրել է իր քայլերն ու պահանջները Արցախի, երկրի ներսում հանրային մթնոլորտի և դատաիրավական համակարգի վերաբերյալ: 

Տնտեսական հեղափոխություն խոստացած իշխանության մանր քայլերը կարճատեւ ուրախություն են պարգեւում Հայաստանի հպարտ քաղաքացիներին: Կառավարությունը 13 հազարով ավելացրեց նվազագույն աշխատավարձը: Ողջունելի քայլ է, ասում են քաղաքացիներն ու տնտեսագետները՝ մինչեւ հաշվելը: Հաջորդ տարի առաջին անհրաժեշտության ապրանքը թանկանալու է նոր մաքսային արժեքն է պատճառը: Իսկ այդ գումարը հազիվ թե բավարարի գնաճը զսպելու համար:

Երևանի քաղաքապետարանի 2020-ի բյուջեի նախագիծը զայրացրել է ավագանու ընդդիմադիր անդամներին Նրանք պնդում են, որ նախագծում շատ են բացթողումները, մոնիթորինգ չկա: Հաջորդ տարի բյուջեի ծախսը կազմելու 116 մլրդ. դրամ, բայց թե կոնկրետ ինչ ծախսեր են լինելու՝ պարզ չէ: Քաղաքային իշխանությունը նաեւ 355 մլն. դրամի հրատապ ծախսեր է պլանավորել: Սա ամենաշատն է բարկացրել ավագանուն՝ 2018-ի համար այդ գումարը 30 մլն. է կազմել:

ԱԱԾ նախկին տնօրեն Արթուր Վանեցյանը, որ պաշտոնից հեռանալիս իշխանությանը կանգ առնելու կոչ էր արել, նոր անհանգստություն է առաջացրել հանրության շրջանում անպատասխան թողնելով «Պրեսսինգ» հաղորդաշարի ժամանակ հնչած մի շարք քաղաքական հարցեր: Մի քանի վայրկյան մտածելուց հետո չի պատասխանել անգամ հարցին, թե արդյո՞ք Հայաստանն ու Արցախի հարցը վտանգված են: Իսկ հարցին, արդյոք ծառայության տնօրեն եղած ժամանակ վարչապետից ստացել է հանձնարարական որը տարակուսելու տեղիք կտար, Վանեցյանը պատասխանել է՝ «Տարակուսելու շատ առիթներ եմ ունեցել»:

Համացանցում հայտնված ոստիկանների կողմից քաղաքացու խոշտանգման տեսագրությունը դատախազությունն ուղարկել է Հատուկ քննչական ծառայություն: Կադրերում, որի տարեթիվն ու ամսաթիվը հայտնի չէ համացանցում հայտնվել է նոյեմբերի 21-ին: Տեսագրությունում երեւում է, թե ինչպես են ոստիկանները մահակով ու հակագազով ցուցմունք կորզում քաղաքացուց:

Իրանում ինտերնետը մասամբ վերականգնվել է, ցուցարարներն էլ արդեն նահանջել են: Իրանագետ Վարդան Ոսկանյանը նկատում է, որ Իրանը կարողացավ ինքնակարգավորվել: Թեպետ, այդպես էլ հստակ չէ, թե 7 օր տեւած ակցիաների հետեւանքով քանի զոհ կա: 

Լեոնիդ Ազգալդյանն այս՝ տարի մի խումբ ակտիվիստների շնորհիվ դարձավ Արցախի հերոս: Որոշումը անակնկալ էր Ազգալդյանին հերոսի կոչում տալու նախաձեռնության հեղինակների համար: Նրանք դիմել էին՝ հրամանատարին Հայաստանի հերոսի կոչում տալու համար: Այսօր Ազգալդյանի ծննդյան 77-ամյակն է: Հերոսի ընկերներն ու հարազատները ծաղիկներ են դրել նրա կիսանդրու մոտ:

Նոյեմբերի 15-ին տեղի ունեցավ «Վերնատուն» հասարակական–քաղաքական ակումբի համաժողովը: Ակումբի անդամներից բացի, հրավիրված էին արտախորհրդարանական քաղաքական ուժերի, փորձագիտական շրջանակների, քաղաքացիական հասարակության բազմաթիվ ներկայացուցիչներ։