Լրահոս

Այժմ մանրամասներ մայրաքաղաքի կենտրոնը իրար խառնած հերդեհից: Աբովյան-Պուշկին խաչմերուկում կեսօրից հետո հրդեհվել է Դոլմամա ռեստորանի շենքի տանիքը: Դեպքի վայր է հասել հրշեջների 10 մարտական հաշվարկ: Այրվել են տանիքի փայտյա կառուցատարրերը: Այստեղ է եկել նաև արտակարգ իրավիճակների նախարար Ֆելիքս Ցոլակյանը: Դեպքի մանրամասները պարզում են: Շենքի հարևանությամբ ապրող բնակիչները մտավախություն ունեն, որ հրդեհը դիտավորություն է, որպեսզի իրենց հանեն տներից ու Երևանի կենտրոնում հերթական էլիտար շենքը բարձրանա:

Հայաստանի ֆուտբոլի հավաքականի 9-1 հաշվով խայտառակ պարտությունից հետո Ֆուտբոլի ֆեդերացիայի նախագահի պաշտոնը այսօր թողել է Արթուր Վանեցյանը: Երբ նա հրաժարական ներկայացրեց ԱԱԾ տնօրենի պաշտոնից, Նիկոլ Փաշինյանը հայտարարեց, թե Վանեցյանը կկենտրոնանա մեր հավաքականին Եվրոպայի առաջնության եզրափակիչ դուրս բերելու «շատ կարևոր, պետական նշանակության խնդրի լուծման վրա»:

Ոստիկանների դեմ ոստիկանություն հաղորդում է տարել Սոնա Աղեկյանը: Նա պնդում է, որ ոստիկանները իրեն քաշքշել են կրթության նախարարի հրաժարականը պահանջող երիտասարդների ակցիայի միանալու համար:

Հայաստանի նախկին բոլոր ղեկավարներն են մեղավոր,իրեն Քրիստոսի հետ համեմատած վարչապետ Փաշինյանի կարծիքն է: Նաև իր քաղաքական կնքահորը Փաշինյանը չարիք է համարում, քանի որ, ըստ իրեն, Տեր-Պետրոսյանը 96-ին նախագահ է ընտվել՝ չունենալով ժողովրդի վստահության քվեն:

Կառավարությունը այսօրվա նիստում որոշել է 7 մլրդ. 526 մլն. դրամ գնահատված Ծաղկաձորի Գոլդեն փելես հյուրանոցը աճուրդի հանել: Ինչպես հիշում եք այս հյուրանոցը պատկանում էր մաքսային ծառայության նախկին պետ Արմեն Ավետիսյանի ընտանիքին: Իշխանափոխությունից հետո՝ այն որպես նվիրատվություն Ավետիսյանները փոխանցել են պետությանը: Աճուրդը կմեկնարկի դեկտեմբերի 18-ին: Մինչև հյուրանոցը նոր տեր կունենա՝ դրա պահպանման համար պետությունը ամսական 6 միլիոն դրամ կծախսի: Ոստիկանությունում խոշտանգումների դեպքերը բացառելու, դատավորներին կարգի հրավիրելու նոր գործիքներ է առաջարկում գործադիրը: Այդ օրանգծերին այսօր հավանություն են տվել ու ուղարկել են խորհրդարան:

Խոսրովի անտառ-արգելոցում աննախադեպ մի բան է տեղի ունեցել: Որսագողերից բացի, այստեղ ապօրինի մտել են նաև գանձագողերը: Գերեզմաններ են քանդել, շիրմաքարերի տակ ոսկի փնտրել: Չեն գտել, քանի որ չկա,վստահեցնում են տարածքը հսկող տեսչները: Հուսահատ գողերը դատարկ ձեռքով անտառից դուրս չգալու համար, թռցրել են տարածքը հսկող տեսախցիկները:

Երևանում բացվել է միկրոքանդակագործ Էդուարդ Տեր-Ղազարյան կրտսերի ցուցահանդեսը: Աշխարհում առաջինն էր նրա պապը՝ Էդուարդ Տեր-Ղազարյանը, որին հաջողվեց Չապլինին, Պագանինիին, ԱՄՆ-ի Ազատության արձանը, Աբու Լալա-Մահարիի ուղտերի քարավանը տեղավորել ասեղի անցքի մեջ:

Պոպուլիստ իշխանություն լինելու Սարգսյանի մեղադրանքը չի ընդունում Իմ քայլի պատգամավոր Տիգրան Ուլիխանյանը, որը վերջերս սկանդալի մեջ հայտնվեց, երբ հայտարարեց, թե իրենց քաղաքական թիմի դեմ խաղ չկա:

Իրանում իրավիճակը սրվում է: Բենզինի գնի բարձրացման դեմ դուրս եկած բողոքավորների դժգոհության կրակին, ըստ պաշտոնական Թեհրանի, բենզին են լցնում արտաքին ուժերը: 21 քաղաքում շարունակվող զանգվածային բողոքի ակցիաների զոհերի թվի մասին հարևան Հայաստան շատ իրարամերժ տվյալներ են հասնում:

Կրթության, գիտության, մշակույթի ու սպորտի նախարարության շենքի դիմաց ամբողջ գիշեր նստացույց արած ուսանողների կողքին է նաև ՎԵՏՕ շարժման համահիմնադիր Նարեկ Մալյանը: Շարժման մասնակիցները Հարությունյանի հրաժարականը պահանջող երիտասարդներին աջակցում են ոչ թե նախարարության շենքի, այլ «Բաց հասարակության հիմնադրամներ»-ի հայաստանյան գրասենյակի առջևից: Նրանք այդտեղ են, որովհետև Հայաստանում հիմնադրամի գործունեությունը քայքայիչ են համարում ու սորոսական ձեռագիր են տեսնում իշխող քաղաքական թիմի շատ գործողություններում;՛ Հիմնադրամի լուծարումը պահանջող ՎԵՏՕ շարժման մասնակիցներն այսօր ազատություն Նիկոլ Փաշինյանին ակցիան են արել:

Ադրբեջանը ստերով աշխարհը կնվաճեր, եթե չլիներ Գուգլը: Դրա քարտեզների հավելվածով Օրբելի կենտրոնի վերլուծաբանները ապացուցել են, որ Բաքուն ստում է, թե Տավուշի շրջանում բարելավել է դիրքերը: