Լրահոս

Արսեն Բաբայանը, որ 3 շաբաթ կալանավորված էր,, այսօր հայտարարել է, թե ինքը իշխանությունների պատանդն է եղել: Բաբայանը կարծում է, որ իր ու Արա Բաբլոյանի դեմ սկսված գործընթացի միակ նպատակը Սահմանադրական դատարանի նախագահ Հրայր Թովմասյանին ծնկի բերելն է: Արա Բաբլոյանին, ըստ Բաբայանի, դեռ չեն կալանավորել միայն այն պատճառով, որ նա շատ մեծ հեղինակություն ունի:

Գործադիրն էլ հատու քայլեր է անում: Կառավարությունն այսօր ընդունել է այն սկանդալային նախագիծը, որ քաղաքագիտական միտքն արդեն որակել էր կոռուպցիոն սխեմա՝ փող ՝ պաշտոնի դիմաց: Գործադիրը աշխատավարձի հաշվարկով կենսաթոշակ կտա Սահմանադրական դատարանի այն դատարվորներին, որ կհամաձայնեն վաղ կենսաթոշակի անցնել: Կառավարության այսօրվա նիստում Փաշինյանն ըստ էության ընդունել է, որ սահմանադրական դատարանի գործող կազմը խոչընդոտ է երազանքի բարձր դատարան ունենալու ճանապարհին:

Այսօր իշխող քաղաքական ուժի առանձին ներկայացուցիչների դեմ քաղաքում միանգամից մի քանի բողոքի ակցիա է անցկացվում: Չնայած «Քաղաքացիական պայմանագրի» ներկայացուցիչները պնդում են, թե բոլոր մանր ու մեծ ակցիաները իրենց հայտնի՝ ինչ-որ ուժեր են ուղղորդում, բողոքի շարժումները շարունակում են ակտիվանալ:

Այսօր հաստատվեց ենթադրությունը, որ ԱՄՆ-ն, Կոնգրեսի ներկայացուցիչների պալատում Հայոց ցեղասպանությունը ճանաչող բանաձև ընդունելով, ևս մեկ անգամ օգտագործում է հայկական հարցը, որպես Թուրքիայի դեմ բլիթի ու մտրակի քաղաքականություն: Թրամփ-Էրողան հանդիպումից հետո ամերիկացի սենատոր Լինդսի Գրահամը վետո է դրել Հայոց ցեղասպանության ճանաչման բանաձևի վրա:

Վարչապետի երեկվա ելույթը խոցել է ԲՀԿ-ական պատգամավոր, Գյումրիի նախկին քաղաքապետ Վարդան Ղուկասյանին: Նիկոլ Փաշինյանն ասել էր, որ քրեական հեղինակությունների պատասխանատվության ենթարկել առաջարկող օրինագծի դեմ արտահայտվող պատգամավորներն ու քաղաքական դեմքերը՝ կփռվեն ասֆալտին, կպառկցվեն գետնին՝ բառի բուն իմաստով: Ղուկասյանը կարծում է, որ նման հայտարարություններով վարչապետը բռնանում է պատգամավորների կարծիքներին:

Արամյանները դուրս են եկել վագոն տնակից ու նոր տարին նոր տանը կդիմավորեն:

Հետհեղափոխական առաջին կես տարում ներդրումների բում ու օտարերկրյա կապիտալի մեծ ներհոսք խոստացած կառավարությունը տարին փակում է կտրուկ կրճատված ներդրումներով: Էկոնոմիկայի նախարարը այսօր բյուջե 2020-ի քննարկման ժամանակ հորդորել է մի քիչ էլ սպասել, գուցե մինչև տարեվերջ երկիր փող մտնի:

Ազգային ժողովի նախագահը օրենքի ուժով չի կարող մասնակցել Անվտանգության խորհրդի նիստերին: Խորհրդարանն այսօր չի ընդունել Իմ քայլից Աննա Կարապետյանի ներկայացրած նախագիծը, որը հերթական անհասկանալի իրավիճակն է ստեղծել խմբակցությունում: Լուսավորն էլ դեմ է քվեարկել շատ կոնկրետ պատճառով իրենց առաջարկը չի ընդունվել:

Վենետիկում տեղատարափ անձրևների հետեւանքով 2 մարդ է զոհվել: 400 կամուրջների քաղաքի 80 տոկոսը ջրի մեջ է: Իշխանությունը արտակարգ դրություն է հայտարարել:

Խորհրդարանի բոլոր հանձնաժողովներով անցնելուց հետո Բյուջե-2020-ը քառօրյայի օրակարգում է: Երկրի գլխավոր ֆինանսական փաստաթուղթը խորհրդարանական ընդդիմությունը անկանխատեսելի է որակել:

Աշխարհն այսօր նշում է բարության միջազգային օրը

Հանրային խորհրդի անդամ Լարիսա Ալավերդյանը սխալ է համարում Վազգեն Մանուկյանի հեռացումը: Կարծում է, հրաժարականը ճիշտ ճանապարհ չէ: Մամուլը քննարկում է, որ Վազգեն Մանուկյանի փոխարեն Հանրային խորհուրդը գլխավորելու է Ստյոպա Սաֆարյանը:

Վարչապետ Նիկոլ Փաշինյանն այսօր խորհրդարանում հետաքրքիր, այլաբանական դիտարկումներ է արել՝ արցախյան կարգավորման Մադրիդյան սկզբունքների վերաբերյալ, որը Հայաստանը ընդունում էր, որպես բանակցությունների հիմք: Փաշինյանը սկզբում հերքել է, որ այդ փաստաթուղթը այլեւս բանակցային սեղանին չէ: Դրա մասին Արցախի «Ազատ հայրենիք» կուսակցության ներկայացուցիչներն էին հայտարարել Փաշինյանի հետ հանդիպումից հետո: Այնուհետեւ վարչապետը Մադրիդյան սկզբունքները, ըստ էության, համեմատել է ճանապարհի հետ, որը չգիտես ուր է տանում: Արցախի թեմայով Փաշինյանը վերջին մեկ շաբաթում հաճախ է խոսում: Փարիզում էլ, շատերի համար անսպասելի, հայտարարել էր, թե Արցախի վերջական կարգավիճակը պետք է որոշի Մինսկի խումբը:

Պետհամալսարանի բանասիրության ֆակուլտետի դասախոսները միացել են դասադուլ անող ուսանողներին եւ համերաշխության նախազգուշական գործադուլ սկսել: «Ձեռքներդ հեռու հայոց լեզվից ու հայագիտությունից»՝ հայտատարել են դասախոսները: Հայոց լեզուն եւ հայագիտությունը բուհերի ոչ մասնագիտական ֆակուլտետների պարտադիր ծրագրից հանելու Արայիկ Հարությունյանի մտադրությունը դասախոսները դատապարտում են: Բայց, միեւնույն ժամանակ ուսանողներին հորդորում են դադարեցնել դասադուլը: Ուսանողները հանձնվելու մտադրություն չունեն: Դասախոսների քայլից ոգեւորված կրթության, գիտության, մշակույթի ու սպորտի նախարարի հրաժարականի պահանջով վերսկսել են ուրբաթ դադարեցրած ակցիան: