Լրահոս

Արարատի մարզում, ջրի պակաս է: Այգեստան համայնքում մոտ 400 հա ծաղկակաղամբի մարգերը չորանում են: Ջրային պետական կոմիտեի պահանջով Արարատյան դաշտավայր գնացող ջուրը կտրել են, ու հիմա առուները հոսում են հարեւան Թուրքիա:

ԲՀԿ ղեկավար Գագիկ Ծառուկյանն անվերապահորեն աջակցում է Գեւորգ Պետրոսյանին: Ծառուկյանն այսօր հայտարարել է, որ իրենց պատգամավորը խմբակցության տեսակետն էր հայտնում, երբ երեկ առաջարկում էր օրենքով արգելել նույնասեռականների ամուսնությունն ու նրանց կողմից երեխայի որդեգրումը: «Իմ Քայլը» խմբակցություն-Գեւորգ Պետրոսյան հակամարտությունը, Ծառուկյանը մեծ աղմուկ չի համարում:

Ինչպես հայտնում են Սննդամթերքի անվտանգության տեսչական մարմնից, ՍԱՏՄ տեսուչները պարզել են, որ Արարատի մարզի Մասիս քաղաքի թիվ 1 և Գեղանիստ համայնքի «Մանուշակ» մանկապարտեզների խոհանոցները գործում են սննդամթերքի անվտանգությանը ներկայացվող պահանջների խախտումներով:

Կշարունակեմ պայքարը հանուն մեր պետության և ժողովրդի շահերի, ինչպես պայքարել եմ իմ ողջ կյանքի ընթացքում:

Ռոբերտ Քոչարյանը պատանդի կարգավիճակ ունի: Հայտարարել են դատարանի դիմաց հավաքված երկրորդ նախագահի աջակիցները: Նրանց շարքերում Լիլիթ Սարգսյանը հանդիպել է նաև Քոչարյանի նախագահության տարիներին հայրենադարձված սիրիահայի:

Ազգային ժողովի միջանցքում լրագրողները նկատել են, որ միմյանց քաշքշում են Իմ քայլի պատգամավորները: Նրանք փորձել են հերքել են, թե նման բան է տեղի ունեցել: Իրականում ավելի են խորացրել կասկածները, քանի որ տեղի ունեցածի վերբերյալ հակասական մտքեր են հայտնել:

Ոչ մի կերպ խաղաղության չնախապատրաստվող Ադրբեջանի նախագահին Հայաստանի վարչապետը Փարիզից հորդորել է հայտարարել, թե Ադրբեջանը նույնպես ցանկանում է, որ արցախյան հիմնախնդրի կարգավորումը բավարարի Հայաստանի, Արցախի ու Ադրբեջանի ժողովրդին: Այս հայտարարությունից առաջ Փաշինյանը մեկ այլ հայտարարություն է արել՝ ասելով, որ Ադրբեջանը հրաժարվում է Արցախի հետ ուղիղ երկխոսությունից, ինչը նշանակում է, որ Ադրբեջանը ուզում է Արցախը առանց արցախցիների:

Սարսափելի տեսարաններով են վերսկսվել ցույցերը Հոնկոնգում: Այստեղ բողոքը արտահանձման օրենքի դեմ է:

Արցախյան պատերազմի հրամանատար Սասուն Միքայելյանը, որը մոտ մեկ տարի առաջ հայտարարում էր, թե 2018-ի իշխանափոխությունը ավելի կարևոր էր, քան Արցախյան ազատամարտը, այսօր խորհրդարանում անսպասելի հայտարարություն է արել: Նա կասկած է հայտնել, թե մի օր էլ իրեն կդատեն Խոջալուի ցեղասպանության մեղադրանքով: Իմ քայլական պատգամավորը այսպիսի դիտարկում է արել, երբ իր գործընկեր Հովիկ Աղազարյանը օրինագծերից մեկն անվանել է նյու-ֆիդայական:

Մարտի մեկի գործից ցուցմունքներ թաքցնելու, անգործություն ցուցաբերելու համար դատախազին բացարկ հայտնելու միջնորդություն են ներկայացրել Ռոբերտ Քոչարյանի փաստաբանները: Սակայն աշխատանքային օրվա ավարտի պատճառաբանությամբ, դատավոր Դանիբեկյանը նիստն ընդհատել է:

Մանվել Գրիգորյանին դատականի դահլիճից այսօր հիվանդանոց են տեղափոխել: Մինչև դատարանը խորհրդակցական սենյակում էր, վատացել է նախկին պատգամավորի առողջական վիճակը: Դատարանը մերժել է փաստաբանների միջնորդությունը՝ դատավորի բացարկի վերաբերյալ: Նիստից հետո Գրիգորյանի կինը կոշտ է արտահայտվել իր դեմ բացված քրեական գործի մասին:

Դաշնակցականներին ներսի ու դրսի բաժանած կրթության նախարարի հրաժարականը պահանջող դաշնակցականները շարունակում են նստացույցը: Ամբողջ գիշերը նախարարության աստիճաններին, քնապարկերի մեջ անցկացնելուց հետո, վաղ առավոտյան նրանց շրջել են պետական բուհերով ու իրազեկման ակցիաներ արել: Նրանց են միացել նաև մի խումբ համալսարանականներ:

Զոհրաբ Մնացականյանի հրաժարականի պահանջի վերաբերյալ ստացած նամակը արտգործ նախարարությունը անքաղաքավարի է համարում: Հայլուրի հետ զրույցում նախարարության մամուլի խոսնակ Աննա Նաղդալյանը այսպես որակեց Հանրապետական կուսակցության երիտասարդական թևի ներկայացուցիչների նամակը, որը նրանք փոխանցել էին երեկ արտգործ նախարարության մոտ ակցիայի ժամանակ: Հանրապետական երիտասարդները ճամպրուկներով շենքի մոտ էին հասել այն պահին, երբ Զոհրաբ Մնացականյանը ճանապարհում էր Ռուսաստանի արտգործ նախարար Սերգեյ Լավրովին: