Լրահոս

 Մի խումբ փաստաբաններ միավորվել են փաստաբանների պալատի նախագահ Արա Զոհրաբյանի սկսած նախաձեռնության շուրջ, որով պահանջում են իշխանությունից չվավերացնել Ստամբուլյան կոնվենցիան:

Հայաստանի կառավարությունը այսօր որոշում է ընդունել լուծարել Կոռուպցիայի դեմ պայքարի խորհուրդը: Այն ստեղծվել է 2015-ին նախկին վարչապետ Հովիկ Աբրահամյանի նախաձեռնությամբ: 2018-ի իշխանափոխությունից հետո այն անգործության էր մատնված: Փաշինյանի կառավարությունը երկար քննարկումներից հետո, հուլիսի 12-ին հայտարարեց կոռուպցիայի դեմ պայքարի սեփական խորհուրդը ստեղծելու մասին:  

 Պետեկամուտների կոմիտեն՝ Սպայկայի գործով զիջումների է գնում: Որ բերքը հավաքող գյուղացին փաստի առաջ չկանգնի՝ մթերող հսկա Սպայկայի քրեական գործում փոփոխություններ են արվել: Բայց քննությունը շարունակվում է, ավելին նախապես հնչեցված 7-8 մլրդն էլ գնալով ավելացել է՝ այսօր ասել է ՊԵԿ նախագահը: Դավիթ Անանյանը խոսել է նաև ՀԴՄ-ների  անսպասելի առաջացած խնդիրների մասին:

Թեև մոտ կես տարի առաջ, Երևանի քաղաքապետը խոստացավ լուծել շուկայի վերածված փողոցների խնդիրը, իսկ վարչապետը խոսում էր արժանապատիվ սպառողի մասին, բայց ամիսներ անց էլ ոչինչ չի փոխվել: Ավելին՝ մրգի սեզոն է, փողոցային առևտուրն ավելի է ակտիվացել: Դեռ որքան են ձգվելու քաղաքապետարանի խոստացած ժամկետներն ու ինչքան ժամանակ է արժանապատիվ սպառողը գնելու ասֆալտին կտրվող ձմերուկն ու վաճառվող ձուկը:  

Պուերտո Ռիկոյի նահանգապետի տելեգրամյան զրույցների արտահոսքը նրա հրաժարականի պատճառ է դարձել: Դրանցում տեղ գտած կոպիտ արտահայտությունները լցրել են բնակիչների դժգոհության բաժակը ու փողոց հանել նրանց երկրի ղեկավարի հրաժարականի պահանջով: Երկշաբաթյա ցույցերից հետո այսօր նահանգապետը խոստացել է օրեր անց հրաժարական տալ:

  Իսկ Վայոց Ձորի մեկ այլ Արփի և Արենի գյուղերի բնակիչները մի քանի օր է հանգիստ քնում են: Հավ գողացող արջը իրենց տեղը մոռացել է:

Հայաստանի 100 քաղաքացի, Հուրգադայում հանգստից հետո, չի կարողանում վերադառնալ Երևան: Նրանց Հուրգադայի օդանավակայանում հայտնել են, որ ավիաընկերությունը չվերթը չեղարկել է:

Ընտանիքներ կան, որ մեծից փոքր քաղցկեղով են տառապում: Պոչամբարի շուրջ նույնիսկ ցանկապատ չկա, բավարարվել են զգուշացնող ցուցանակով: Իսկ մոտակայքում՝ երեխաներ են խաղում: Ի դեպ ԱԻՆ-ը երկարացրել է պոչամբարը շահագործելու թույլտվությունը: 

Սևանն իրականում հիվանդ է: Բնապահպանական աղետը մի քանի տարվա ընթացքում լիճը կարող է վերածել ճահճի: