Լրահոս

ՀՀ գլխավոր դատախազությունը ոստիկանության Քրեական ոստիկանության գլխավոր վարչություն ուսումնասիրման է ուղարկել գյումրեցի տարեց կնոջ ֆեյսբուքյան գրառումը։

Նոյեմբերի 23-ին, արտակարգ դեպք է տեղի ունեցել Երևանում։ Ժամը 23։20-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Երևան քաղաքի Գարեգին Նժդեհ փողոցում այրվում է ավտոմեքենա, հայտնում է Shamshyan.com-ը։ Հրշեջ փրկարարները մարել են Երևանի բնակիչ 61-ամյա Ստեփան Բ․-ին պատկանող «Toyota» մակնիշի ավտոմեքենայում առաջացած կրակը։ Այրվել է ավտոմեքենան` մասամբ։ Հրդեհի հետևանքով, ըստ նախնական տեղեկությունների բարեբախտաբար տուժածներ չկան։ Դեպքի փաստով ոստիկանության Շենգավիթի բաժնում փաստաթղթեր են կազմվում, որտեղ էլ պարզվում են դեպքի հանգամանքները։

Հակակոռուպցիոն դատարանում հետաձգվել է Գյումրիի կալանավորված քաղաքապետ Վարդան Ղուկասյանի պաշտոնավարման առաջին ժամկետներին վերաբերող գործի քննությունը: 2021-ին նրան մեղադրանք է առաջադրվել չարաշահումներով պետական կամ համայնքային գույքեր օտարելու համար: Ղուկասյանը «սարքած գործ» է անվանել մեղադրանքը և հայտարարել, որ չի պատրաստվում ազատություն ստանալու դիմաց գործարքի գնալ ՔՊ-ականների հետ:

Համայնքային ոստիկանության Թումանյանի բաժնում ստացվել էր տեղեկություն, որ Ալավերդի քաղաքի բնակիչ 59-ամյա տղամարդը պահում և օգտագործում է մարիխուանա: Նոյեմբերի 21-ին Ալավերդի-Վանաձոր ավտոճանապարհին գտնվող իր այգում տղամարդը ձերբակալվել և տեղափոխվել էր բաժին: Նրա խուզարկությամբ հայտնաբերվել էր դեղնականաչավուն զանգվածով կաթուցիչ և թղթի մեջ փաթաթված մոտ հինգ գրամ կանեփանման զանգված: Կազմված փաստաթղթերը ներկայացվել են Թումանյանի քննչական բաժին։ Նոյեմբերի 24-ին կատարված խուզարկությամբ տղամարդու այգում գտնվող տնակում և օժանդակ շինություններում հայտնաբերվել է ընդհանուր մոտ 60 գրամ մարիխուանայի նմանվող զանգված։ Նախաքննությունը շարունակվում է։

CBS News-ը, հղում անելով ամերիկացի պաշտոնյայի, սկանդալային տեղեկություն է հրապարակել, թե Ուկրաինան համաձայնել է Միացյալ Նահանգների կողմից առաջարկված խաղաղության համաձայնագրի պայմաններին: Դրանք կապիտուլյացիոն են անվանում Զելենսկիի եվրոպացի գործընկերները:

Դիլիջանի համայնքապետարանից փոխանցում են, որ Դիլիջանի անտառային տարածքներում շարունակվում են վաղ առավոտից մեկնարկած հրդեհաշիջման աշխատանքները։ «Հարգելի բնակիչներ, Տեղեկացնում ենք, որ Դիլիջանի անտառային տարածքներում շարունակվում են վաղ առավոտից մեկնարկած հրդեհաշիջման աշխատանքները։ ՀՀ ՆԳՆ Փրկարար ծառայության շուրջ 200 ծառայողներ, էկոպարեկներ, համայնքի բնակիչներ, փրկարար ծառայության և համայնքապատկան տեխնիկական միջոցներն այս պահին ևս ներգրավված են կրակի մարումը ապահովող գործողություններում։ Խնդրում ենք պահպանել հանգստություն և խուճապի չմատնվել»,- նշվում է հաղորդագրության մեջ։

Ավելի վաղ Երևանի քաղաքապետ Տիգրան Ավինյանը հայտարարել էր, որ Երևանում առկա խցանումների հարցը լուծելու նպատակով որոշակի սահմանափակումներ կկիրառվեն անձնական ավտոմեքենաների օգտագործման հետ կապված։ 

Հանրապետության նախագահ, «Հայաստան» համահայկական հիմնադրամի հոգաբարձուների խորհրդի նախագահ Վահագն Խաչատուրյանը նոյեմբերի 24-ին և 25-ին մասնակցել է բանկային և ֆինանսական համակարգի, ինչպես նաև ՀՀ խոշոր ձեռնարկատիրությունների ներկայացուցիչների հետ կազմակերպված հաշվետու քննարկում-հանդիպումներին։ Հանդիպումների ընթացքում քննարկվել են «Հայաստան» համահայկական հիմնադրամի գործունեությանը վերաբերող հարցեր։ Հիմնադրամի ներկայացուցիչները անդրադարձել են նախորդ տարիներին իրականացված ծրագրերի հիմնական ուղղություններին ու արդյունքներին, ինչպես նաև ներկայացրել են 2025 թվականի հեռուստամարաթոնի նախագծերը։ Երկօրյա հանդիպում-քննարկումներին մասնակցել են նաև ՀՀ կենտրոնական բանկի նախագահ Մարտին Գալստյանը, Հայաստանի բանկերի միության նախագահ Դանիել Ազատյանը, Հայաստանի արդյունաբերողների և գործարարների միության նախագահ Արսեն Ղազարյանը և այլ ներկայացուցիչներ։

Նիկոլ Փաշինյանն իր նստավայրում այսօր է ընդունել ՀԷՑ ժամանակավոր կառավարիչ Ռոմանոս Պետրոսյանին: 43 րոպե տևած հանդիպման ժամանակ նրանք նոր մեղադրանքներ են ուղղել ՀԷՑ նախկին կառավարիչներին:

Մայր Աթոռ Սուրբ Էջմիածնում 2 ժամ ու կես է՝ շարունակվում է եպիսկոպոսաց ժողովը, որին, ըստ «Հայլուր»-ի տեղեկությունների, մասնակցում են բոլոր 20 եպիսկոպոսները: Օրակարգում են Արշակ Սրբազանին վերագրվող սկանդալային տեսագրություններն ու Նիկոլ Փաշինյանի մասնակցությամբ կազմակերպվող պատարագների ժամանակ թույլ տրվող խախտումները: Արդեն 5 պատարագի է մասնակցել Նիկոլ Փաշինյանը և 5 անգամ նրա ներկայությամբ խմբագրվել է Սուրբ Պատարագը, այդ թվում՝ թեմերի առաջնորդների ներկայությամբ:

«Երկուշաբթի երեկոյան և ամբողջ երեքշաբթի օրվա ընթացքում քարտուղար Դրիսկոլը և նրա թիմը քննարկումներ են ունեցել ռուսական պատվիրակության հետ՝ Ուկրաինայում տևական խաղաղության հասնելու համար։ Բանակցությունները լավ են ընթանում, և մենք շարունակում ենք լավատես մնալ։ Քարտուղար Դրիսկոլը սերտորեն համագործակցում է Սպիտակ տան հետ…. այս բանակցությունների ընթացքում», - ասել է Դրիսկոլի խոսնակ, ԱՄՆ բանակի փոխգնդապետ Ջեֆ Թոլբերտը։

Մահացել է ԱԺ «Քաղաքացիական պայմանագիր» խմբակցության պատգամավոր Ռուստամ Բաքոյանի մայրը:

«Հրդեհներ են «Կազաչի» հատվածում, Նավուր բնակավայրի մոտակայքում, Դիլիջանի ոլորաններին հարակից անտառում և Շիրակի մարզի Ձորաշեն բնակավայրի մոտակայքում:

Ժողովրդավարության բաստիոնից ժուչոկապետություն մեկ քայլ է, և այդ քայլն արված են համարում Փաշինյանի ընդդիմախոսները: Այս տարվա միայն առաջին կիսամյակում գաղտնալսումներ անելու 600 միջնորդություն է ներկայացվել դատարան: 60 տոկոսը բավարարվել է:

Օնլայն զեղծարարությունից տուժած քաղաքացիները դատախազությունից հետո այսօր էլ քննչական կոմիտե են հանցագործության մասին հաղորդումներ, դիմում-բողոքներ տարել: Մեղադրում են իրավապահներին անգործության, զեղծարարների ձեռքը ժամանակին չբռնելու համար: Մարդկանց վնասը 400 000-ից 50 միլիոն դրամի մեջ է տատանվում:

Ներդրումը 2 անգամ քիչ են արել, մեր կողմից հատկացված գումարներով, մեր շահույթի հաշվին 46 մլրդ ներդրումից արել են 23 մլրդ։ Երկրում 23 մլրդ քիչ ներդրումա արվել, որից 5 մլրդ քիչ հարկ է գնացել, սրա մասին ոչ ոք չի խոսում։ Այս մասին հայտնել է «Մեր ձևով» շարժման համակարգող Նարեկ Կարապետյանը՝ անդրադառնալով Նիկոլ Փաշինյանի և Ռոմանոս Պետրոսյանի այսօրվա հայտարարություններին։

Վերջին տարիներին հատկապես մայրաքաղաքի բնակիչները անհանգստացած են օդի աղտոտվածության բարձր մակարդակով: Երեկ ու այսօր էլ Ավան և Նորք վարչական շրջանների բնակիչներից շարունակաբար ստանում եմ ահազանգեր առ այն, որ նույն խնդրով պայմանավորված՝ վախենում են անգամ դուրս թողնել իրենց երեխաներին: Այս մասին ֆեյսբուքյան իր էջում գրել է ԱԺ «Հայաստան» խմբակցության պատգամավոր Գառնիկ Դանիելյանը։ «Օդն այնքան է աղտոտված, որ տպավորություն է, թե քաղաքում մշտապես մառախուղ է: Մինչև ե՞րբ են քաղաքային իշխանությունները աչք փակելու ստեղծված իրավիճակի շուրջ: Բազմաթիվ ուսումնասիրություններ փաստում են, որ օդի մեջ փոշու մանր մասնիկների քանակությունը գերազանցում է թույլատրելի շեմը: Ըստ որոշ տվյալների, օդի աղտոտվածության թույլատրելի նորման վերջին տարիներին գերազանցվել է 5-7 անգամ: Սա պետք է ընդունել որպես ահազանգ: Օդի աղտոտվածության բարձր մակարդակը խիստ վտանգավոր կարող է անդրադառնալ հատկապես խոցելի խմբերի՝ երեխաների, տարեցների, հղիների առողջության վրա: Այս ամենի ֆոնին, մայրաքաղաքում շարունակվում են մասսայական ծառահատումները: Պատկան մարմինները միլիոնավոր դոլարներ են ծախսում համերգների, փառատոնների վրա, մինչդեռ, լավ կլիներ զվարճացնելուց զատ նույն «սրտացավությունը» ցուցաբերեին, նախևառաջ, հանրության առողջության պահպանման հարցերում: Մանավանդ, երբ ունենք քաղցկեղի տարածման ահագնացող ցուցանիշներ»,-գրել է նա։

ՀԷՑ-ի բազայի հետ խնդիր եղել է, բայց այն 2-3 օրվա մեջ լուծվել է: Սոցցանցային տեսանյութում հայտարարել է ՀԷՑ-ի տնօրենների խորհրդի նախագահ Նարեկ Կարապետյանը։ Ավելի վաղ ՀԷՑ–ի ժամանակավոր կառավարիչ Ռոմանոս Պետրոսյանը հայտարարել էր, որ հունվարի սկզբին ջնջվել է 2018–2024 թթ. նոյեմբեր ընկած ժամանակահատվածի ամբողջ բազան։

Հայլուր 20։30 Ծանր լռություն՝ եպիսկոպոսաց ժողովից հետո. ի՞նչ են քննարկել Մայր աթոռում

Աղբյուրի փոխանցմամբ՝ նրանք քննարկել են Ադրբեջանի և Վատիկանի միջև հարաբերությունների զարգացումը, միջկրոնական երկխոսության ոլորտում համագործակցությունը և գլոբալ խաղաղության նախաձեռնությունները։