4 զոհ Լիբանանում՝ իսրայելական ռազմաօդային ուժերի հարվածների հետևանքով

Իսրայելի ռազմաօդային ուժերի անօդաչու թռչող սարքերը հարվածներ են հասցրել Լիբանանի հարավում գտնվող Նաբատիա քաղաքի շրջակայքին, ինչի հետևանքով չորս քաղաքացի է զոհվել։ Այս մասին իր ամփոփագրում հայտնել է հանրապետության առողջապահության նախարարությունը։

«Հրթիռները արձակվել են Յախմուր էշ-Շկիֆ բնակավայրում գտնվող պիկապի և Էլ-Այն թաղամասում գտնվող մոտոցիկլետի ուղղությամբ», - նշվում է տեքստում։ «Չորս մարդ, ովքեր տեղափոխվել էին Նաբատիայի հիվանդանոց, ստացած վերքերից մահացել են»։ Ավելի վաղ տվյալներ էին հաղորդվում այդ շրջանում իսրայելական անօդաչուների հարձակման հետևանքով երեք տուժածի մասին։