Լրահոս

19-ամյա զինծառայող է մահացել

Վերաքննիչ դատարանի որոշմամբ՝ եռամսյա կալանքից հետո ազատության մեջ հայտնված մեկ այլ սրբազանի՝ Արշակ արքեպիսկոպոս Խաչատրյանի գործով դատական այսօրվա նիստին դատախազը կալանքի միջնորդություն է ներկայացրել, որը մերժվել է: Արշակ Սրբազանը հայտարարել է, որ ինչ-որ մարդկանց ցնորքների հիման վրա են իրեն մեղադրանք առաջադրել: 

Այսօր՝ ապրիլի 14-ին, հերթական մահվան դեպքն է տեղի ունեցել ՀՀ պաշտպանության նախարարության զորամասերից մեկում։ Ինչպես հայտնում է ֆոտոլրագրող Գագիկ Շամշյանը, ժամը 16։00-ի սահմաններում զինվորական հոսպիտալ («Մուրացան») տեղափոխելու ճանապարհին զինվորը մահացել է։ Ֆոտոլրագրողի տեղեկություններով հոսպիտալ են ժամանել ՀՀ ռազմական ոստիկանության և ՀՀ ՊՆ գլխավոր շտաբի բարձրաստիճան սպաներ, ովքեր պարզում են դեպքի հանգամանքները։ Շամշյանի տեղեկություններով մահացածը հոսպիտալ է տեղափոխվել Նուբարաշենի կրակարաններից (պոլիգոնից)՝ հրազենային վնասվածքով։ Նա 19-ամյա Նարեկ Հակոբյանն է։ Դեպքի փաստով ՀՀ քննչական կոմիտեի զինվորական քննչական վարչության կայազորի քննչական բաժնում նախաձեռնվել է քրեական վարույթ։ Տեղի ունեցածը սպանություն է, դժբախտ պատահար, թե ինքնասպանություն՝ պարզվում է։

Քրեական ոստիկանության գլխավոր վարչության ծառայողները հետախուզվողի վերաբերյալ օպերատիվ տվյալն իրացրին Համայնքային ոստիկանության Քանաքեռ-Զեյթունի բաժնի գործընկերների հետ։ Ապրիլի 9-ին Նոր Արեշում հայտնաբերվեց և համայնքային ոստիկանության բաժին տեղափոխվեց 30-ամյա տղամարդ։

Հայլուր 20։30 Նոր սկանդալ՝ ընդդիմադիր կուսակցության շուրջ. կաթի շշեր են դրել ոստիկանների ոտքերի առաջ

Պատկերացրեք՝ ինչ լավ կլիներ՝ մեր նախարարները այսպես աշխատեին ձեռնարկատերերի հետ:

Մրգաշեն գյուղի 52-ամյա ատամնաբույժի սպանության ենթադրյալ հեղինակները երկու եղբայրներ են, որոնցից մեկը՝ անչափահաս: Նախաքննական այս տվյալը այսօր հրապարակել է Քննչական կոմիտեն: Որոշում է կայացվել ձերբակալել նրանց: Անչափահասի նկատմամբ քրեական հետապնդում է հարուցվել՝ սպանության, իսկ նրա ավագ եղբոր նկատմամբ՝ խմբի կազմում սպանության հոդվածներով:

«Հսկող դատախազի որոշմամբ` վերացվեց Դավիթ Մինասյանի կալանքը, հենց նոր Դավիթն ազատ արձակվեց Արմավիր ՔԿՀ-ից»,-գրել է պաշտպան Լուսինե Մարտիրոսյանը։

Պարեկները պարզել են, որ նույն օրը ժամը 29-ամյա Մարիամ Զ․-ի տանը ծննդյան առիթով հավաքվել են 26-ամյա Թագուհի Զ․-ն, նրա ամուսինը՝ 35-ամյա Էդգար Խ․-ն և Մարիամ Զ․-ի ընկեր՝ 29-ամյա Սերյոժա Թ․-ն։

«Ի պատասխան ԶԼՄ հարցումների՝ Հաշվի առնելով մեղադրյալ Գոհար Ղումաշյանի օրինական վարքագիծն ապահովող և դրան խոչընդոտող բոլոր հնարավոր հանգամանքները, այդ թվում՝ վերջինիս անչափահաս երեխաներ ունենալը, որպես խափանման միջոց տնային կալանք կիրառելու վերաբերյալ միջնորդություն է ներկայացվելու դատարան»,- գրել է նա։

«Ջերմուկի» արտահանումը Ռուսաստան չի արգելվում, վստահեցնում է հանքային ջրի արտադրության հայկական հսկան: Հայաստանի ամենահայտնի բրենդներից մեկի առաջ ռուսական շուկայի փակվելու կասկածները առաջացել էին, երբ հայտնի էր դարձել, որ Ռուսաստանում վերաբացվել է «Ջերմուկի» դեմ երկու տարվա վաղեմության քրեական գործը: Այն հարուցվել էր մի բողոքի հիման վրա, թե Վլադիկավկազի 65-ամյա բնակիչը «Ջերմուկից» կերակրափողի այրվածք է ստացել, մահացել:

Եկեղեցում Փաշինյանի քաղաքական գործունեությանը միջամտելու մեղադրանքով կալանավորված 18-ամյա Դավիթ Մինասյանին գիշերը ծանր վիճակում անվասայլակով տեղափոխել են «Արմավիր» քրեակատարողական հիմնարկ։ Փաստաբանը պնդում է՝ Դավիթի վիճակը կտրուկ վատացել է եկեղեցում Փաշինյանի թիկնապահի հասցրած հարվածից:

«Ուժեղ Հայաստան» կուսակցության անդամներն ու աջակիցները հակակոռուպցիոն կոմիտեի մոտ կաթով լի մանկական շշեր են բերել։

Ապրիլի 14-ին, ժամը 14։17-ին Վայոց Ձորի մարզային օպերատիվ կառավարման կենտրոն ահազանգ է ստացվել, որ Ջերմուկի խաչմերուկից Սարավան ավտոճանապարհին տեղի է ունեցել քարաթափում․ ճանապարհը դարձել է միակողմանի երթևեկելի։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ թափվել են մոտ 6 խմ տարբեր տրամաչափի քարեր։ Փրկարարներն ավտոճանապարհից հեռացրել են քարերը․ երթևեկությունը երկկողմանի վերականգնվել է։

Լիբանանում պատերազմի դադարեցման շուրջ բանակցություններ են սպասվում Միացյալ Նահանգների մայրաքաղաքում: Վաշինգտոնում բանակցային սեղանին կնստեն Իսրայելի ու Լիբանանի ներկայացուցիչները՝ ԱՄՆ-ի միջնորդությամբ:

Հայաստանի Հանրապետությունում հաշվառում չունեցող ընտրողները քվեարկությանը մասնակցելու համար կարող են լիազոր մարմին ներկայացնել դիմում՝ ընտրողների ցուցակում ժամանակավորապես ընդգրկվելու վերաբերյալ։ Դիմումները կընդունվեն ընտրատեղամասերի ձևավորումից հետո (ապրիլի 23-ից)։ Հետևապես՝ դիմումը պետք է ներկայացնել լիազոր մարմին՝ ՆԳՆ միգրացիայի և քաղաքացիության ծառայության տարածքային ստորաբաժանում քվեարկության օրվանից ոչ ուշ, քան 12 օր առաջ մինչև ժամը 14:00-ն՝ այսինքն՝ մինչև մայիսի 26-ը։ Դիմումը ներկայացվում է ընտրողների ցուցակում ժամանակավորապես ընդգրկվելու մասին՝ նշելով քվեարկության օրը ՀՀ-ում գտնվելու վայրի հասցեն։ Դիմումները հնարավոր է ներկայացնել և՛ էլեկտրոնային, և՛ թղթային եղանակով։ Էլեկտրոնային դիմումները պետք է ապահովված լինեն էլեկտրոնային թվային ստորագրությամբ։ Հայաստանի Հանրապետությունում հաշվառում չունեցող ընտրողի անունից դիմում ներկայացնելու դեպքում դիմումատուն պարտավոր է ներկայացնել նոտարական վավերացմամբ հաստատված լիազորագիր: Ըստ գտնվելու կամ նախընտրած վայրի ընտրական տեղամասի ընտրողների ցուցակում ավելացվելու, ինչպես նաև՝ ըստ գտնվելու վայրի ընտրական տեղամասի ընտրողների ցուցակում ընդգրկվելու վերաբերյալ ծանուցման ձևերը և կարգը սահմանում է ՀՀ կենտրոնական ընտրական հանձնաժողովը։ Դիմումի օրինակելի ձևը՝ այստեղ։

Ինչպես հայտնի դարձավ Գոհար Ղումաշյանին բերման ենթարկելու պատճառն այն էր, որ նա իր տեսանյութերից մեկում հայտնել էր, որ 2025 թվականին «Սարգիս Կարապետյան» հիմնադրամը մեկնարկեց «Հայաստանի 100 լավագույն ուսանող» մրցույթը։ Ղումաշյանի խոսքով՝ այն գործելու է անգամ 2026 թվականին՝ ընտրություններից հետո՝ անկախ համապետական ընտրություններում «Ուժեղ Հայաստան»-ի գրանցած արդյունքից։

Հայլուր 18։30 Հայ-ռուսական տնտեսական պատերազմի վտանգ կա՞. ջղաձգվում են ՔՊ-ականները

Այն, ինչ տեղի է ունենում Գոհար Ղումաշյանի հետ, դուրս է բանականության և մարդկայնության ցանկացած սահմաններից: Քաղաքական ուժի անդամին բերման են ենթարկել և այս պահին քննվում է նրա կալանավորման միջնորդությունը՝ բարեգործական գործունեության իրականացման արգելքը խաթարելու անհեթեթ կասկածանքով։ Այս մասին գրել է միջազգային իրավապաշտպան Ռոբերտ Ամստերդամը։ 

Գյումրիում արհեստական խնդիրներ առաջացնելու հարցում ՔՊ-ն, կարծես, հետքայլ չի անում: Քաղաքի կենտրոնական Բագրատունյաց փողոցում՝ դադարեցվել են փոսալցման աշխատանքները, հայտարարվել է, որ փողոցի փոսերը վերացվելու են պետական միջոցներով, բայց գործ անող չկա այնտեղ: Այս ֆոնին՝ Գյումրիի ավագանու ՔՊ-ական անդամները կառավարման ձախողումների համար են մեղադրում քաղաքի ղեկավարությանը: