Լրահոս

Քաղաքական հայացքների համար անկախ պատգամավորից հայհոյախառն նամակ ստացած քաղաքացին ցանկանում է նրան պատասխանատվության կանչել, սակայն չգիտի՝ ուր դիմել: Խորհրդարանում էթիկայի մշտական հանձնաժողով չկա, պատգամավորն անձեռնմխելի է:

Հայաստանը նոր քաղաքական շրջափուլի նախաշեմին է: Եթե հանրապետության նախագահ Արմեն Սարգսյանը ստորագրի հանրաքվեի մասին օրինագիծը, առաջիկա ամիսներին մեր պետությունը ապրելու է այո-ի ու ոչ-ի քարոզիչների բարձրացրած աղմուկի մեջ: Ըստ իրավաբանների՝ օրենքի նախագիծը ստորագրելու համար նախագահ Սարգսյանը ունի 72 ժամ: «Սակայն եթե նա իսկապես հավատարիմ է Սահմանադրությունը պահպանելու իր կոչմանը, ստորագրելուց առաջ պետք է ունենա հանրաքվեի որոշման սահմանադրականության վերաբերյալ Սահմանադրական Դատարանի գնահատականը»,- այսպես կարծում են մի խումբ փորձագետներ։

Առողջապահական գլխացավանքի մասին: Հայաստանում, կորոնավիրուսի կասկածանքով հոսպիտալացվածների թիվը 20-ն է: Թեստերի արդյունքները, բարեբախտաբար, ոչ մեկի մոտ չեն հաստատել չինական վարակը: Չինասնատում ու աշխարհի այլ երկրներում վիրուսը շարունակում է կյանքեր խլել: Վերջին տվյալով մահացածների թիվը 636 է: Չինաստանում այսօր առավոտյան մահացել է 34-ամյա բժիշկը, որն առաջինն էր հայտնաբերել կորոնավիրուսն ու բարձրաձայնել այդ մասին:

Իշխանափոխությունից մոտ երկու տարի անց ինչպե՞ս կարձագանքի ժողովուրդը, երբ իշխանության եկածները նորից ժողովրդի կարիքն ունեն: Նիկոլ Փաշինյանը՝ Ազգային ժողովում տեղի ունեցած իրադարձություններից հետո, ֆեյսբուքի իր էջում հեղափոխական էյֆորիայի մի քանի հայտնի էլեմենտ է հիշեցրել՝ հավանաբար ստուգելու վիրտուալ տրամադրությունները:

Ստորագրություններն ամփոփվելու են փետրվարի 8-ին՝ ժամը 17:00-ին։ Հայաստանի Հանրապետությունում գործող հասարակական և քաղաքական կառույցներին առաջարկում ենք Հանրապետության նախագահին դիմել համանման կոչով

Իսկ ժողովրդին կանչում են հանրաքվեի: Այն ժողովրդին, որի մեծամասնությունն անգամ չգիտի, թե ինչ ասել է սահմանադրություն, որն է դրա դերը պետության մեջ ու ընդհանրապես, իր ինչին է պետք այդ սահմանադրությունը: Դրանից ոչ նրա աշխատավարձն է բարձրանում, ոչ էլ հողն է ավելի բերրի դառնում:

Հանրային աղմուկից հետո հայկական երկրորդ հանրապետությունում՝ Քարվաճառի բոլոր ՀԷԿ երի աշխատանքը ժամանակավորապես դադարեցվել է մինչև ավարտվեն ուսումնասիրությունները: նախագահի թեկնածու Դավիթ Բաբայանը կարծում է, որ Նախագահական ընտրության պատրաստվող Արցախի օրակարգում այս թեժացնելը քաղաքական ենթատեքստ ունի:

Կրթության ու գիտության նախարարության շուրջ նոր աղմուկ է բարձրանում: Թումանյանի ստեղծագործությունների ժողովածուն գերմաներեն է թարգմանվել, բայց նախարարությունն արդեն կես տարի է չի տալիս թարգմանչի գումարը:

Կառավարության նիստի հենց սկզբին վարչապետը անձնական վիրավորվածությունից է խոսել: Ասել է, թե քաղաքաշինության կոմիտեի նախագահ երեկ ձերբակալված Վահագն Վերմիշյանը, երբ ձեռքը երկարել է կաշառքի համար, վիրավորել է իրեն ու հեղափոխությունը:

Հենց Սահմանդրական դատարանի ու դրա նախագահ Հրայր Թովմասյանի դեմ իշխանության գործողություններն են եղել ԱԱԾ տնօրենի պաշտոնից Արթուր Վանեցյանի հրաժարականի պատճառներից մեկը: Թերթերի խմբագիրների հետ մոտ 2.5 ժամ ժամ տևած հանդիպմանը Վանեցյանն անկեղծացել է Հրայր Թովմասյանի նկատմամբ տարվող քաղաքականության հետ անհամաձայնությունն է եղել իր հրաժարականի տեքստի ամենավիճահարույց արտահայտության՝ կանգ առի սթափեցնող քայլ-կոչի հիմքում:

Մինչ մենք գիշերը քնած էինք, Միացյալ նահանգներում հանգուցալուծվեց ամիսների ճգնաժամը: Դոնալդ Թրամփը դաձավ այդ երկրի առաջին նախագահը, ով իր իմփիչմենթի գործընթացից մոտ ինն ամիս անց նորից կպայքարի պաշտոնավարումը շարունակելու համար: Պաշտոնանկության պահանջի էջը Թրամփի համար փակված է: