Լրահոս

Այսօրվա ամսաթիվը՝ 02.02.2020-ը, որ չինարենում համահունչ է «ես սիրում եմ քեզ» արտահայտությանը, այդպես էլ չի դառնա հազարավոր չինացի սիրահարների ամուսնության գրանցման օրը: Իսկ այս թվերը ըստ չինական ավանդույթի, հանդիպում են հազար տարին մեկ անգամ: Բայց երկրի իշխանությունները սիրուց բան չեն հասկանում, արգելել են բազմամարդ միջոցառումներ կազմակերպել: Պատճառը Չինաստանում օր-օրի զոհերի թիվն ավելացնող «կորոնավիրուս» անունը ստացած նոր վարակն է: Այն արդեն հասցրել է տարածվել ավելի քան տասը հազար մարդու օրգանիզմում, ու սպանել ավելի քան 200-ին:

Անցնող շաբաթ վերջին մեկուկես տարվա մեր ներքաղաքական կյանքի բոլոր հականիշները խտացան մի շրջանի մեջ: Սևերի ու սպիտակների, լափամանից զրկվածների ու հեղափոխականների բանակները բախվեցին այն միակ իշխանության դարպասի առաջ, որ դեռ չի հանձնվում գործող քաղաքական էլիտային: Սահմանադրական դատարանի համար կռիվը վերջին մեկուկես տարվա չափանիշներով անգամ դժվար է տեղավորվում գիտակցության մեջ, ինչ-որ պահի չես հավատում տեսածիդ ու լսածիդ:

Խաղաղությանը ձեռք մեկնելու հայկական կողմի առաջարկները շարունակում է մերժել Ադրբեջանը: Հայաստանի արտգործ նախարարության խոսնակը հայտարարել է, որ պաշտոնական Բաքուն հրաժարվում է ընդունել Արցախի ժողովրդի ընտրյալ ներկայացուցիչներ ձևակերպումը: Բանակցություններին հայկական երկրորդ հանրապետության ներկայացուցիչների մասնակցության կարևորությունը շեշտել էր արտգործ նախարար Զոհրաբ Մնացականյանը՝ Ժնևում՝ ադրբեջանցի գործընկերոջ հետ երկու ռաունով հանդիպման ժամանակ:

Սթափության կոչ է, թե իշխանության բռնած գործին հաջողության մաղթանք ԵԽԽՎ Հայաստանի հարցով համազեկուցողների հայտարարությունը: «Անհանգստացած ենք Հայաստանի երկու պետական ինստիտուտների՝ վարչապետի գրասենյակի և Սահմանադրական դատարանի նախագահի միջև լարվածության բարձր մակարդակի կապակցությամբ»,- իրենց հայտարարությունում շեշտում են համազեկուցողները: Արձանագրում են, որ լարվածությունը աննախադեպ բարձր մակարդակի է հասել, որը կարող է երկարաժամկետ վնաս բերել վստահության ցածր մակարդակ ունեցող դատական համակարգին:

Տնտեսության ռեկորդային արդյունքներն՝ ըստ Նիկոլ Փաշինյանի: Հայաստանի վարչապետը ռեկորդային է անվանում տնտեսության ակտիվության ցուցանիշը: Վիճակագրական կոմիտեն հայտնել է, որ ակտվիությունն աճել է: Անկախ տնտեսագետները խորհուրդ են տալիս ոգևորվել, երբ հրապարակվեն ՀՆԱ-ի ցուցանիշները: Ասում են՝ այդ վիճակագրությունը նկարել հնարավոր չէ:

Տեղի ունեցավ աշխարհի ամենաաղմկոտ քաղաքական ապահարզաններից մեկը: Մեծ Բրիտանիան 47 տարի Եվրամիությանը անդամակցելուց հետո, ուրբաթ գիշերը՝ Երևանի ժամանակով ժամը 23-ին, պաշտոնապես դուրս եկավ եվրաընտանիքի կազմից: Մեծ Բրիտանիայում այս իրադարաձության կապակցությամբ տոնախմբություններ են, բողոքի ցույցեր: Վարչապետ Բորիս Ջոնսոնը իր ելույթում բրիտանացիներին բաժանել է երեք խմբի. նրանք, ովքեր ուրախ են Բրեքզիթի առիթով: Նրանք, ովքեր անհանգստություն ու կորստի զգացողություն ունեն: Եվ երրորդ խումբը, որն ամենամեծն է ըստ Ջոնսոնի: Բրիտանացիների այդ խումբը մտածում է, որ քաղաքական այս վեճը երբեք չի ավարտվի:

Կորոնովիրուսը հաղթահարած առաջին քաղաքացիները դուրս են գրվել Չինաստանի Ուհան քաղաքի հիվանդանոցից: ինչպես գիտեք, հենց այս քաղաքաից է տարածվել աշխարհը տագնապի մեջ պահող վարակը: Ցավոք, ավելի շատ են վիրուսից մահացածները: Զոհերի ընդհանուր թիվը հասել է 259-ի։ Չինաստանում այժմ բժշկական դիմակների դեֆիցիտ է: Երկիրը հետ է գնում նախկինում արտահանած դիմակները:

Աշխարհը տագնապի մեջ պահող վիրուսի մասին: Չինաստանի քաղաքացիների համար Հայաստան մուտքի վիզայի գործող ազատ ռեժիմը ժամանակավորապես կասեցվում է: Արգելքը կգործի վաղվանից մինչև մարտի 31-ը: Եթե հենց հիմա էլ մեզանից որևէ մեկը վարակվի կորոնավիրուսով, մեր երկրում դա բացահայտել չեն կարողանա: Հայաստանը Չինաստանից ախտորոշիչ թեստեր է խնդրել՝ կորոնավիրուսը հայտնաբերելու համար, բայց թե երբ դրանք տեղ կհասնեն դեռ հայտնի չէ: Նույնիսկ հստակ թիվ չկա, թե ամեն օր Չինաստանից քանի մարդ է եկել Հայաստան: Եվ չնայած այս ամենին՝ երկրի գլխավոր առողջապահը 99.9 տոկոսով վստահ է, որ Հայաստանում կորոնավիրուս չկա:

Չինաստանի հետ սահմանը արդեն փակել են Ռուսաստանը, Մոնղոլիան. մի բացիլի պատճառով, որ գենոմի արտաքին տեսքի համար է կորոնավիրուս կոչվում: Այն նման է թագի, ռուսերեն՝ կորոնայի, Թագաձև, մահաբեր ու դեռ անհաղթ վիրուսը արդեն խլել է 230 մարդու կյանք, վարակել մոտ 10 հազարին:

Եվրոպայի խորհրդի խորհրդարանական վեհաժողովի ձմեռային նստաշրջանը շիկացած մթնոլորտում է անցնում: Ադրբեջանի պատվիրակությունը հայկական կողմին երեսով է տվել մեր Սահմանադրական դատարանի շուրջ տեղի ունեցողը: 

Հայաստանի ու Ադրբեջանի արտգործնախարարների բրատիսլավյան հանդիպումից հետո Ռուսաստանի արտգործնախարարի տեքստով արժևորված Արցախի, այսպես կոչված, ադրբեջանական համայնքը արտգործնախարարների Ժնևյան հանդիպումից հետո էլ ավելի ամրացրեց դիրքերը: Change.org-ում նույնիսկ ինչ-որ ստորագրահավաք է սկսվել, որի հեղինակները Հայաստանի կառավարությանն են դիմում՝ ներկայանալով որպես Ղարաբաղի ադրբեջանցիներ ու հայեր: Փորձագետներին անհանգստացնում է հատկապես այն, որ Մնացականյան-Մամեդյարով հանդիպման ընթացքում Ժնևից 4 500 կիլոմետր հեռու՝ Բաքվում, Միացյալ նահանգների դեսպանը հանդիպել է Լեռնային Ղարաբաղի այսպես կոչված ադրբեջանական համայնքի ղեկավարի հետ:

Խորհրդարանի փոխխոսնակի նախանշած վերջնաժամկետի հետհաշվարկը սկսված է: Եթե հավատանք Ալեն Սիմոնյանին՝ Սահմանադրական դատարանի շուրջ փաթաթված մութ խնդիրը պարզաբանվելու է մեկ-երկու ամսից: Արդեն կարծես պարզ է, թե ինչպես են իմքայլականները մտադիր ավարտին հասցնել Սահմանադրական դատարանի առումը: Խորհրդարանական մեծամասնությունը նոր մարտավարություն է մշակել, որ ըստ իրենց հնարավորություն կտա երկորւմ սահմանադրական փոփոխություններ անել առանց բարձր դատարանի հաստատման: Բազմաթիվ ուրիշ մասնագետներ զգուշացնում են նախաձեռնությունը նույնը կլինի, ինչ պետական հեղաշրջման փորձը:

Երկրորդ նախագահ Ռոբերտ Քոչարյանի փաստաբանները ինքնաբացարկի միջնորդություն են ներկայացրել դատավոր Արմեն Դանիելյանին: Նա պետք է քններ Քոչարյանի պաշտպաններին սահմանադրական կարգի տապալման գործով նյութերը ամբողջությամբ տրամադրելու որոշման դեմ դատախազության բողոքը: