Լրահոս

Երևանի ընդհանուր իրավասության դատարանը՝ դատավոր Աննա Դանիբեկյանի նախագահությամբ, կիրառեց դատական սանկցիա՝ նկատողության տեսքով ՀՀ երկրորդ նախագահ Ռոբերտ Քոչարյանի և ՀՀ նախկին փոխվարչապետ Արմեն Գևորգյանի պաշտպանների նկատմամբ։ Դատարանն արձանագրել է, որ «պաշտպանների վարքագիծը համաձայնեցված էր, միտված էր դատական նիստի բնականոն ընթացքը խոչընդոտելուն, պաշտպանները չարամտորեն չեն իրականացրել իրենց պարտականությունները և չեն ներկայացել դատական նիստի»։

Մեկ շաբաթ առաջ բանտից դուրս եկած իսլամիստը ահաբեկչություն է արել Լոնդոնում, Մեծ Բրիտանիայում մտադիր են խստացնել քաղաքի վերահսկողությունը: Չէ՞ որ ինչ-որ մեկը կարող էր կռահել տղան, որ ճաղերի հետևում էր հայտնվել էքստրիմիստական նյութեր հավաքելու մեղադրանքով ազատության մեջ հնարավոր է՝ նորից անցներ նախկին զբաղմունքին:

Արդեն նկատե՞լ եք, որ դեղատներում բժշկական դիմակների դեֆիցիտ կա: Պահեստներում գրեթե դիմակ չի մնացել ու խնդիրը ոչ թե այն է, որ հայերը վտանգ են կանխազգում ու գնում են կորոնավիրուսի պաշտպանիչ միջոցը, այլ չինացիներն են այստեղից առնում դիմակներն ու ուղարկում հարազատներին՝ Չինաստան:

Մեր նկարահանող խումբը այսօր եղել է մահացած զինվորի՝ Հայթաղ գյուղի տանը: Վահրամը սիրում էր ծառայությունը, նրանից երբեք ոչ ոք դժգոհություն չի լսել, բանակից վերադառնալուն պես պատրաստում էր տունը վերանորոգել ու ամուսնանալ սիրելի աղջկա հետ:

Սահմանադրական դատարանի դեմ իշխանական քայլերն արդեն այնքան ակնհայտ են, որ եվրոպայից Հայաստան է հասնում երկրորդ սուր հայտարարությունը: Այն բանից հետո, երբ ԵԽԽՎ Հայաստանի հարցով զեկուցողների հայտարարությունը ոչ միանշանակ արձագանք գտավ Հայաստանում, արդարադատության նախարարն անգամ, չգիտես, ինչու ողջունեց այն, Վենետիկի հանձնաժողովի նախագահ Ջանի Բուքիկյոն կոչ ուղղեց Հայաստանի իշխանությանը թուլացնել տագնապի վիճակը: Բուքիկյոն նկատել է, որ հանրային վերջին հայտարարություններն ու գործողությունները չեն նպաստում լարվածություն թուլացմանը: ԱԺ նախկին փոխնախագահ Արփինե Հովհաննիսյանի պնդմամբ Բուքիկիոյի տեքստն այնքան ուղիղ է, որ Կամաց-կամաց մոտենում ենք հայտարարությունների որպես կանոն Ադրբեջանի դեմ գործածվող կոշտության:

Բրիտանական Բաֆթայի կինոփառատոնը կինեմատոգրաֆի ամենասպասված իրադարձությունից՝ Օսկարից օրեր առաջ, կանխագուշակել է, թե որ ֆիլմերը ավելի շատ ոսկե արձանիկներ կհավաքեն:

Հայաստանում արդեն կարող են ախտորոշել Կորոնավիրուսը: Ռուսաստանը մեր երկրին թեստեր է նվիրել: Ու մինչ Հայաստանը միայն ազատ վիզային ռեժիմն է ժամանակավորապես կասեցրել Չինաստանի հետ, աշխարհը չի էլ նկատում, որ կորոնավիրուսից պաշտպանվելու համար դանդաղ վարակվում է ռասիստական նոր տենդով: Շատ երկրներում ակնհայտ վերապահումով են վերաբերվում ասիական արտաքինով մարդկանց:

Սոցցանցերից փողոցներ լցված ատելության մթնոլորտի դեմ պայքարի զենք է պետք, բայց դրա ստեղծման համար ձևավորված աշխատանքային խումբը կարծես հակառակ էֆեկտն է տալիս: Օրենսդիրի ընդդիմադիր թևը դժգոհ է իմքայլականների ստեղծած խմբից:

Պաշտպանության նախարարության եւ զենք մատակարարող ռուսական ընկերության միջեւ սկանդալը չի ավարտվում: Օրսիս ընկերության դիմումով հարուցվել է նոր քրեական գործ: Ընկերության փաստաբանը պնդում է, որ Օրսիսը զենք է նվիրել մեր բանակին, բայց այն չի գրանցվել ՊՆ հաշվեկշռում, այլ լրացրել է փոխնախարարի զենքերի շարքը:

Եթե մարտի մեկի մայր գործով փաստաթղթերում իշխանությունը թաքցնելու բան չունի, ինչու՞ դրանք չքննարկել հրապարակային: Թափանցիկության խոստումներով իշխանության եկած վարչապետ Փաշինյանին մարտի մեկի գործով մեղադրյալ, նախկին գլխավոր դատախազ Գևորգ Կոստանյանը հրապարակային հանդիպում կազմակերպելու կոչ է արել:

Վերաքննիչում դատարանի դատավոր Արմեն Դանիելյանը հրաժարվել է ինքնաբացարկ հայտնել: Նա կշարունակի քննել դատախազության բողոքը, որ վերաբերում է Մարտի մեկի մայր գործով բոլոր նյութերը Քոչարյանի պաշտպանների տրամադրելու միջնորդությանը: Այդ ի՞նչ կա Մարտի մեկի մայր գործով նյութեում, որ դատախազությունը ամեն բան անում է միայն թե դրանք երկրորդ նախագահ Ռոբետ Քոչարյանի պաշտպանների ձեռքը չընկնեն:

Հայաստանի Հանրապետության հեռուստատեսության և ռադիոյի հանձնաժողովը հայտարարություն է տարածել Հայաստանի հանրային հեռուստաընկերության «1-ին ալիք» հեռուստածրագրի «Լուրեր»-ով եթեր հեռարձակված տեսանյութի վերաբերյալ։

Իհարկե, ես կարող եմ այն ամենը, ինչը ցանկանում եմ հայտնել, գտնվելով Հայաստանից դուրս՝ հրապարակել որևէ հայտարարությամբ: Սակայն իմ առաջարկը պայմանավորված է նրանով, որ ես անգամ պատրաստ եմ վերադառնալ լավ գիտակցելով, որ այդ խորհրդակցությունից հետո ինձ կալանավորելու են, բայց մեր հասարակությանը պետք է հարց և պատասխանի միջոցով տեղեկացնել ոչ միայն ինձ մեղադրանք առաջադրելու հիմքերի և պատճառների, այլև՝ Մարտի 1-ի գործի հատկապես կարևոր այն հանգամանքները, որոնք հանրությունից թաքցվում են նախաքննության գաղտնիքի անվան տակ:

Վերաքննիչ քրեական դատարանն այսօր շարունակեց դատախազության կողմից բերված` ՀՀ երկրորդ նախագահ Ռոբերտ Քոչարյանի պաշտպաններին «Մարտի 1»-ի մայր գործի ամբողջական նյութերի տրամադրման դեմ բողոքի քննությունը։