Ռազմական գործողությունների դադարեցումը Իրան-ԱՄՆ հուշագրի ամենակարևոր մասն է․ Արաղչի

Իրանի իշխանությունները ռազմական գործողությունների դադարեցումը բոլոր ճակատներում, ներառյալ Լիբանանը, համարում են ուրբաթ օրը Ժնևում ԱՄՆ ներկայացուցիչների հետ ստորագրվելիք հուշագրի ամենակարևոր կետը։ Այս մասին հայտարարել է Իրանի Իսլամական Հանրապետության ԱԳ նախարար Աբաս Արաղչին։

«Ռազմական գործողությունների անհապաղ և վերջնական դադարեցման մասին հայտարարությունը բոլոր ճակատներում, այդ թվում՝ Լիբանանում, հուշագրի ամենակարևոր կետն է», - նշել է նա օտարերկրյա պետությունների դեսպանների հետ հանդիպման ժամանակ։

Ավելի վաղ ԱՄՆ-ի և Իրանի պաշտոնատար անձինք, ինչպես նաև բանակցային գործընթացում միջնորդ հանդես եկող Պակիստանը, հաստատել էին Վաշինգտոնի և Թեհրանի միջև համաձայնության ձեռքբերումը։

Այն նախատեսվում է ստորագրել Ժնևում հունիսի 19-ին։ Ինչպես հայտնել են Թեհրանում, հուշագրի ստորագրումից հետո 60-օրյա ժամկետում կողմերը կքննարկեն, ի թիվս այլ հարցերի, իրանական միջուկային ծրագիրը, իսկ հունիսի 15-ից հայտարարվում է Իրանի ծովային շրջափակման ավարտը ԱՄՆ-ի կողմից, ինչպես նաև անհապաղ և մշտական դադարեցում ռազմական գործողությունների բոլոր ճակատներում, ներառյալ Լիբանանը։