Ավելի քան 30 ձերբակալված Իրանում. նրանց կասկածում են ԱՄՆ-ի և Իսրայելի հետ համագործակցության մեջ

Իրանում Իսրայելի և ԱՄՆ-ի հետ կապեր ունենալու կասկածանքով ավելի քան 30 մարդ է ձերբակալվել, հայտնել են իրանական իշխանություններն ու լրատվամիջոցները:

Իրանի հետախուզության նախարարությունը հայտարարել է 24 հոգու ձերբակալության մասին՝ Իրանի արևմուտքում գտնվող Համադան նահանգի ռազմական օբյեկտների վերաբերյալ տվյալներ փոխանցելու համար, որոնց մի մասը ենթարկվել է ԱՄՆ-ի և Իսրայելի ռմբակոծություններին: Եվս 4 մարդ ձերբակալվել է երկրի արևմտյան մասում գտնվող Լոռեսթան նահանգում՝ «հակառակորդի» հետախուզության համար տեղեկություններ հավաքելու համար: Երկու հոգի էլ ձերբակալվել են Իրանի հարավ-արևելքում գտնվող Քերման նահանգում՝ զենք տեղափոխելու համար:

Բացի այդ, ISNA գործակալությունը հայտնել է Իրանի հյուսիսային հատվածում՝ Սեմնան նահանգում, ԱՄՆ-ի և Իսրայելի հետ կապված երեք «գործակալների» ձերբակալության մասին: