Թրամփը հայտարարել է, որ Իրանում իշխանափոխություն չի ցանկացել

ԱՄՆ նախագահ Դոնալդ Թրամփը հայտարարել է, որ չի հավատում այլ երկրներում, մասնավորապես՝ Իրանում, իշխանափոխության փորձերի արդյունավետությանը։

«Ես չեմ հավատում ռեժիմի փոփոխությանը, և ես տեսել եմ ռեժիմի այդ փոփոխությունները մի շարք տարիների ընթացքում։ Դրանք երբեք չեն աշխատում։ Դա (իշխանափոխությունը - խմբ.) պարզապես պետք է տեղի ունենա», - նշել է ԱՄՆ առաջնորդը՝ պատասխանելով Ֆրանսիայում «Յոթնյակի» խմբի գագաթնաժողովի շրջանակներում լրագրողների հարցերին։

Թրամփը նաև հայտարարել է, որ ինքը «երբեք չի մտահոգվել ռեժիմի փոփոխությամբ», և հենց այդ գաղափարը ծրագրի մաս չի եղել։