Բոլորին անհանգստացնում են Իրանում ցամաքային գործողության մասին խոսակցությունները. Լիխաչով

Բոլորին խիստ մտահոգում են Իրանում հնարավոր ցամաքային գործողության մասին խոսակցությունները. միջուկային օբյեկտի շուրջ ռազմական գործողությունները հսկայական ռիսկեր են պարունակում, հայտարարել է «Ռոսատոմի» ղեկավար Ալեքսեյ Լիխաչովը:

Ինչպես հայտնում է «ՌԻԱ Նովոստի»-ն, այսօր Իրանի ատոմային էներգիայի կազմակերպությունը (ԻԱԷԿ) հայտնել էր, որ «Բուշեր» ԱԷԿ-ի տարածքը հայտնվել է ԱՄՆ-ի և Իսրայելի գնդակոծության տակ, ինչի հետևանքով աշխատակիցներից մեկը զոհվել է:

«Համաշխարհային հանրությունը, իհարկե, տագնապով է արձագանքել տեղի ունեցածին. ՄԱԳԱՏԷ-ի գլխավոր տնօրենը (Ռաֆայել Գրոսի) հանդես է եկել հայտարարությամբ, և մեր գործընկերների հետ մի շարք շփումները, հեռախոսազանգերն ու էլեկտրոնային նամակները վկայում են մտահոգության աճի մասին»,- ասել է Լիխաչովը:

Բոլորին խիստ անհանգստացնում է հակամարտության էսկալացիայի միտումը, ընդգծել է «Ռոսատոմի» ղեկավարը:
«Շատ տագնապալի են հնարավոր ցամաքային գործողության մասին խոսակցությունները, քանի որ միջուկային օբյեկտի շուրջ ռազմական գործողությունները միշտ հսկայական ռիսկեր են պարունակում»,- նշել է Լիխաչովը:

Փետրվարի 28-ին ԱՄՆ-ն և Իսրայելը սկսել են հարվածներ հասցնել Իրանի տարածքում գտնվող օբյեկտներին, այդ թվում՝ Թեհրանին. հաղորդվում է ավերածությունների և խաղաղ բնակիչների շրջանում զոհերի մասին: Իրանն իրականացնում է պատասխան հարվածներ Իսրայելի տարածքին, ինչպես նաև Մերձավոր Արևելքի տարաշածրջանում գտնվող ԱՄՆ ռազմական օբյեկտներին: